Controi a caje Ofize Cultura ladina y Jonëza: estraziun ai 4 de forá
Vigni organisaziun dla Provinzia che dá contribuc mëss fá, aladô dla lege, controi a caje sön altamo le 6% dles scomenciadies sostignides.
Sciöche preodü dala lege mëssel gní fat controi sön i contribuc culturai conzedüs dala Provinzia. Le 6% dles licuidaziuns fates l’ann passé dal Ofize Cultura ladina y Jonëza vëgn ciarades do plü avisa dal’aministraziun provinziala. I contribuc conzedüs gnará trac fora a caje ai 4 de forá, dales 09:00, tla sënta dl’Intendënza y Cultura ladina a Balsan, secundo partimënt, Bindergasse 29, te na sentada publica aladô dl art. 2, coma 3 dla lege provinziala di 22 d’otober dl 1993, n. 17. Le protocol dla sentada é a desposiziun de vignun tla sënta dl’Intendënza y Cultura ladina y sön domanda vëgnel ince mené por posta.
USP
