Coronavirus, indöt él 724 porsones positives al Covid-19
Al é 42 caji nüs de porsones che s'á taché le Covid 19. Les porsones positives é 724. 35 porsones é bele mortes.
Ince inier (domënia ai 21 de merz) éson jüs inant cun i tesć por determiné la difujiun dl'infeziun Covid-19 tl Südtirol. Le Laboratore de microbiologia y virologia dl'Aziënda sanitaria provinziala á registré 42 caji nüs (sön 376 tesć).
Le numer dles porsones positives al Coronavirus tl Südtirol é porchël de 724 caji. Indöt él gnü fat cina sëgn 6.094 tesć sön 4.008 porsones.
Al é 179 porsones che á debojëgn d'assistënza ti ospedai. 40 porsones é tla repartiziun de terapia intensiva; atualmënter él 38 caji sospec.
Le numer complessif di morc olache al é gnü constaté l'infeziun dl Covid-19 é incö (lönesc, ai 23 de merz) de 35 porsones (4 plü co inier). Al é 2.204 porsones che é dötaurela en isolamënt a ciasa.
Tosc rovarál adalerch les tabeles che reverda les "Porsones positives al Covid-19 partides sö aladô di Comuns" y les "Porsones en isolamënt a ciasa".
asds
