Les zifres ajornades dl Coronavirus nü tl Südtirol
L'Aziënda sanitara dl Südtirol comunichëia les zifres atuales dles porsones resultades positives al Coronavirus nü, chëres en insolamënt a ciasa y dles vitimes.
Le Laboratore de microbiologia y virologia dl'Aziënda sanitaria provinziala fej dötaurela döt le poscibl por analisé les proes dades jö. Da inier a incö dadoman él gnü analisé 436 tesć. Les porsones resultades positives al Coronavirus nü é de 47.
Le numer dles porsones infetades dal Coronavirus nü é insciö de dötadöm 836. Cina sëgn él gnü fat 7.067 tesć a indöt 4.507 porsones,
Al é 208 porsones che á debojëgn d'assistënza ti ospedai. Implü él 29 caji de porsones olache an á le sospet che ares ais la maratia.
Tles repartiziuns de terapia intensiva di ospedai dl Südtirol él 49 porsones amarades de Covid-19.
Le numer dles porsones infetades dal Coronavirus nü y spo mortes por complicaziuns liades ai sintoms dl Covid-19 é aumenté. Dötadöm é le numer dles porsones mortes de 45, cun un n caje de mort rové lapró. En isolamënt a ciasa él dötaurela 2.852 porsones.
Al é indöt 120 colaboradësses y colaboradus dl Aziënda sanitara dl Südtirol che é resultades positives al Coronavirus nü.
Por le pröm iade á l Aziënda sanitara ince ajorné i dac por ci che reverda les porsones varides da Covid-19. Les porsones infetades che dedo vëgn testades por dui iade cun trami dui arac negatifs vëgn conscidrades sciöche varides. Sön la basa de chësc prinzip él indöt varí 45 porsones tl Südtirol.
I dac en cört
Tesć fac da inier cina incö dadoman: 436
Tesć positifs da inier cina incö dadoman: 47
Numer complessif di tesć fac cina sëgn: 7.067
Numer complessif dles porsones testades: 4.507
Caji de porsones resultades positives al Coronavirus nü: 836
Paziënc cun Covid-19 che á debojëgn d'assistënza ti ospedai: 208
Paziënc cun Covid-19 che á debojëgn d'assistënza de terapia intensiva: 49
Caji de sospet de porsones che á debojëgn d'assistënza ti ospedai: 29
Vitimes da iner a incö: 1
Vitimes dötadöm: 45
Porsones en isolamënt a ciasa: 2.852
Porsones varides: 45
Colaboradësses y colaboradus dl Aziënda sanitara resultá positifs al test: 120
Les tabeles cun i detais partis sö por Comun dles porsones positives y en isolamënt gnará publicades pornanche che ares é danman.
asds
