Coronavirus nü: Les porsones resultades positives cina sëgn é de 1205
L'Aziënda sanitara dl Südtirol comunichëia les zifres atuales dles porsones resultades positives al Coronavirus nü, chëres en insolamënt a ciasa, dles vitimes y por ci che reverda les ciases de palsa
Inier, sabeda ai 28 de merz, él gnü analisé dal Laboratore de microbiologia y virologia dl'Aziënda sanitaria provinziala 969 tesć. Les porsones resultades positives al Coronavirus nü é de 123.
Le numer dles porsones infetades dal Coronavirus nü é insciö de dötadöm 1.205. Cina sëgn él gnü fat 10.137 tesć a indöt 5.994 porsones.
Al é 229 porsones che á debojëgn d'assistënza ti ospedai. Implü él 63 caji de porsones olache an á le sospet che ares ais la maratia.
Tles repartiziuns de terapia intensiva di ospedai dl Südtirol él 51 porsones amarades de Covid-19. Implü él dötaurela 9 paziënc te terapia intensiva tl’Austria (Reutte, Lienz, Hall, Desproch).
Le numer dles porsones liades al Covid-19 y spo mortes é de 71.
En carantena y isolamënt a ciasa él dötaurela 2.518 porsones. Indöt 1.801 porsones á stlüt jö la perioda de carantena o isolamënt a ciasa.
Al é indöt 132 colaboradësses y colaboradus dl'Aziënda sanitara dl Südtirol che é resultades positives al Coronavirus nü. Implü él 9 doturs de medejina de basa y 2 pediatri lëdi che röia lapró.
Por ci che reverda les porsones varides da Covid-19 é le numer atual de 86. Les porsones infetades che dedo vëgn testades por dui iade cun trami dui arac negatifs vëgn conscidrades sciöche varides.
I dac en cört
Tesć fac inier sabeda (28 de merz): 969
Tesć positifs da inier cina incö dadoman: 123
Numer complessif di tesć fac cina sëgn: 10.137
Numer complessif dles porsones testades: 5.994
Caji de porsones resultades positives al Coronavirus nü: 1.205
Paziënc cun Covid-19 che á debojëgn d'assistënza ti ospedai: 229
Paziënc cun Covid-19 che á debojëgn d'assistënza de terapia intensiva: 51
Caji de sospet de porsones che á debojëgn d'assistënza ti ospedai: 63
Vitimes da iner a incö dadoman: 7
Vitimes dötadöm: 71
Porsones en carantena y isolamënt a ciasa dötadöm: 4.319
Porsones en carantena y isolamënt a ciasa dötaurela: 2518
Porsones che á stlüt jö la carantena y solamënt a ciasa: 1801
Porsones varides: 86
Colaboradësses y colaboradus dl'Aziënda sanitara resultá positifs al test: 132
Doturs de medejina generala y pediatri lëdi positifs: 11
Situaziun tles ciases de palsa (situaziun ajornada a inier da sëra ai 28 de merz)
I dac che fej referimënt ales porsones tles Ciases de plasa provinziales, che á fat le test Covid-19 y é resultades positives é en aumënt. Porsones resultades positives é gnüdes registrades te 46 tles 77 ciases de palsa dla Provinzia alado dl raport dla Unité de crisa ajorné inier da sëra ai 28 de merz:
Residënc tles ciases de palsa resultá positifs al test Covid-19: 107 tles strotöres y 7 ti ospedai (en confrunt ai 27 de merz 101 + 7)
Residënc tles ciases de palsa en isolamënt: 386 (en confrunt ai 27 de merz: 371)
Vitimes: 18 (en confrunt ai 27 de merz: 14)
Operadus positifs al test: 138 (en confrunt ai 27 de merz: 85)
Operadus en carantena: 44 (en confrunt ai 27 de merz: 57)
Les tabeles cun i detais partis sö por Comun dles porsones positives y en isolamënt gnará publicades pornanche che ares é danman.
asds
