Coronavirus: 1.732 porsones cun test positif, 252 porsones varides
L'Aziënda sanitara lascia alsavëi i dac ajorná: 1.732 porsones cun test positif, 164 porsones mortes y 252 porsones varides. 79 caji nüs sön 1.097 tesc.
L’Aziënda sanitara dl Südtirol á lascé alsavëi i dac ajorná di caji de porsones cun n test positif al Coronavirus Covid-19. Tles ultimes 24 ores él gnü controlé 1.097 tesć, pro 79 de chisc é le resultat sté positif.
Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat positif dl test dl Coronavirus 1.732.
Indöt él gnü fat cina sëgn tla provinzia dal’Aziënda sanitara 16.825 tesć a 8.819 porsones.
Al é 229 paziënc Covid-19 tles repartiziuns normales di set ospedai dl’Aziënda sanitara y tla basa logistica dles forzes armades arjignada ca aposta a Gossensaß. Tles cliniches privates Villa Melitta y Bovincini él 12 paziënc. 74 porsones assistides dal’Aziënda sanitara é caji sospec.
Al é 47 porsones tles repartiziuns de terapia intensiva. Implü él 9 paziënc te repartiziuns de terapia intensiva tl’Austria (Reutte, Lienz, Hall, Innsbruck, Feldkirch) y tla Germania (Lipsia).
Ti ospedai él mort 109 porsones porvia dl Covid-19. Tles ciases de plasa él mort 55 porsones porvia dl Covid-19. Indöt él mort 164 porsones tl Südtirol porvia dl Covid-19.
3.206 porsones é sëgn te carantena obligatoria o isolamënt a ciasa. 3.232 porsones á bele stlüt jö la carantena y l’isolamënt a ciasa. Cina sëgn ti él gnü scrit dant a 6.438 porsones da sté te carantena.
I operadus dl’Aziënda sanitara cun test positif é 183. Plü 10 doturs de medejina generala y dui doturs di mituns de lita lëdia. 252 porsones é varides dal Covid-19.
I numeri en cört:
tesć fac inier (5 d‘aurí): 1.097
tesć positifs cina incö dadoman: 79
numer complessif di tesć fac: 16.825
numer dles porsones sotmetüdes al test: 8.819
numer dles porsones cun resultat dl test positif: 1.732
paziënc Covid-19 tles repartiziuns de ospedal normales y tles cliniches privates a Gossensaß: 229
caji sospec: 74
numer de paziënc Covid-19 te repartiziuns de terapia intensiva: 47
numer de paziënc Covid-19 te repartiziuns de terapia intensiva forestes: 9
porsones mortes ti ospedai dl’Aziënda sanitara: 109
porsones mortes indöt (cun lapró les ciases de palsa): 164
porsones te isolamënt a ciasa: 3.206
porsones che á stlüt jö la carantena y l’isolamënt a ciasa: 3.232
porsone a chëres che al ti é gnü scrit dant mosöres de carantena obligatoria o isolamënt: 6.438
colaboradus dl’Aziënda sanitara cun test positif: 183
doturs de medejina generala y doturs di mituns de lîta lëdia positifs: 12
porsones varides: 252
asds
