Coronavirus, le test dla lege nöia sön la fasa dui é gnü publiché
Al é gnü publiché sön le Boletin ofizial dla Regiun le test dla lege provinziala nöia aprové inier de nöt.
Sciöche anunzié dala descriziun dles mosöres da incö danmisdé (ai 8 de ma) é le test dla lege nöia gnü publiché püch do les 14:00 sön le Boletin ofizial dla Regiun Trentin-Südtirol. La lege á le titul "Misure di contenimento della diffusione del virus SARS-COV-2 nella fase di ripresa delle attività"(Mosöres de contignimënt dla defujiun dl virus SARS-COV-2 tla fasa de scomenciamënt danü dles ativités). La lege é jüda en forza y é varënta. Le test é gnü injunté.
fgo
