Regiun: contribuc por mendranzes y l’integraziun cina ai 30 de jügn
La Junta regionala á dé pro da sburlé le termin por la presentaziun de domandes tl setur dla promoziun dles mendranzes linguistiches y dl’integraziun europeica.
La Junta regionala, rovada adöm inco (28 de ma) tres videoconferënza á deliberé, dante l’ater, da sburléai 30 de jügn 2020 le termin por la presentaziun dles domandes de finanziamënt por iniziatives de promoziun y valorisaziun dles mendranzes linguistiches dla regiun, adöm cun d’atres desposiziuns che reverda la gestiun di finanziamënc regionai por l’ann 2020.
La delibera, portada dant dal assessur Manfred Vallazza, é gnüda aprovada fajon n’ezeziun ales desposiziuns dl Regolamënt d’esecuziun dla lege regionala 3/2018, por via dl’emergënza epidemiologica dl coronavirus.
Le medema dezijiun é gnüda tuta, sön proposta dl assessur Giorgio Leonardi, por sposté ai 30 de jügn 2020 le termin por la presentaziun dles domandes de finanziamënt tl setur dla promoziun dl’integraziun europeica de ativités particolares d’interesc regional y tl setur di contribuc por la publicaziun de monografies, stüdi y operes d’interesc regional.
Implü é gnüdes aprovades les modalités de paiamënt di finanziamënc danfora conzedüs por l’emergënza epidemiologica dl Covid-19.
fg
