Plan de Corones: Acordanza por le passaje de n frabicat ala Provinzia
Le presidënt Kompatscher firma l’acordanza danter Provinzia y Demane: “I ti dun zoruch n frabicat da denant dl militer sön Plan de Corones ala coletivité.”
N frabicat militar de proprieté dl Demane sön Plan de Corones passa dal Stat ala Provinzia. Incö, ai 4 de jügn, él gnü a se le dé la firma söl verbale dla surandada danter le presidënt dla Provinzia Arno Kompatscher y le diretur regional dl’Ajentöra dl Demane Sebastiano Caizza. Al ê presënc al’incuntada ince la referënta iuridica dl’Ajentöra Eugenia Pantozzi Frezza y le vize-secreter general dla Provinzia Thomas Mathà, responsabl dl protocol dl’acordanza dl 2007 che prevëiga le passaje debann ala Provinzia de imobili dl demane che le Stat ne adora nia plü.
Les carateristiches dl frabicat sön Plan de Corones
Le frabicat fej pert de na seria plü ampla tla zona de Plan de Corones. Al röia insciö tla proprieté dla Provinzia n frabicat da na gran importanza turistica. “Cun la firma da incö metunse a desposiziun dla coletivité n bëgn che podará gní anuzé dala sozieté tl dagní”, á dit Kompatscher. Le presidënt á sotligné la buna colaboraziun danter Provinzia y Demane tl’atuaziun dl’acordanza. Le frabicat é sté le “Centro Nodale d’Area” dl militer sön na spersa de 350 metri cubic tl Comun de Mareo. Al é gnü fat sö tl 1990 y á n valur de 2,1 miliuns de euro.
sf
Galaria dales fotografies
