Trafich söi jus dles Dolomites: conferënza stampa ai 16 de lugio
Presentaziun deboriada dles soluziuns por le trafich söi jus dles Dolomites indoman ai 16 de lugio
Cotan de trafich él söi jus dles Dolomites dantadöt tla sajiun da d’isté y al ne pita nia n’esperiënza sostenibla dla natöra y contrada incër al Sela. Por chësta gaujia él i Comuns interessá che á lauré adöm ai rapresentanc dles Provinzies de Balsan y Trënt adöm a chi dla RegiuN Veneto por ciafé soluziuns por na mobilité sostenibla söi jus dles Dolomites.
Adöm ai ombolc Roland Demetz (Sëlva), Robert Rottonara (Corvara), Silvano Parmesani (Cianacëi) y Leandro Grones (Fodom) presenterá i assessurs Daniel Alfreider y Roberto Failoni ala presentaziun dl monitoraje dl trafich söi jus y dles soluziuns poscibles,
indoman, jöbia ai 16 de lugio
dales 11.15
ala staziun a val dla cabinovia Piz Setëur
Plan de Gralba
tl Comun de Sëlva.
Ala presentaziun tolará ince pert Sandro Lazzari, presidënt de Dolomiti Superski.
rc
