Junta regionala: Deliberes a bëgn dles mendranzes linguistiches
La Junta regionala á aprové incö ai 27 de jená n valgönes deliberes en cunt dla promoziun dles mendranzes linguistiches.
Tratan süa sentada da incö ai 27 de jená a la Junta regionala aprové, danter l’ater, döes deliberes presentades dal assessur regional Manfred Vallazza che reverda la promoziun dles mendranzes linguistiches. Cun na delibera él gnü aprové le finanziamënt dl Istitut cultural “Micurá de Rü” por indöt 100 mile euro por l’ativité istituzionala por l’ann 2021.
Al é implü ince gnü confermé la partezipaziun dla Regiun Trentin – Südtirol por l’ann 2021 ai istituc culturai de mendranzes linguistiches dl Trentin, danter chisc l’Istitut cultrual ladin “Majon di fascegn”, l’Istitut cultural “Cimbro Lusérn/Kulturinstitut Lusérn” y l’Istitut cultural “Mòcheno/Bersntoler Kulturinstitut”.
"Al se trata de strotöres che á n rode fondamental por sostigní le svilup cultrual, sozial y economich dles comunités interessades", diji Vallazza. La Regiun Trentin Südtirol promöi tres finanziamënc y mosöres aposta l’identité cultruala dles mendranzes linguistiches.
fg
