Nominades les Consultes di jogn nöies
La Junta provinziala á nominé i mëmbri dles Consultes di jogn de düc i trëi grups linguistics.
Sön proposta di assessurs Daniel Alfreider, Philipp Achammer y Giuliano Vettorato á la Junta provinziala nominé incö ( 9 de forá) i mëmbri dles Consultes di Jogn por i grups linguistics ladin, todësch y talian, che forma düc adöm la Consulta di Jogn provinziala.
Dla Consulta di jogn ladina fej pert 12 jones y jogn de entrames les valades ladines, che rapresentëia les uniuns di jogn, i Sorvisc ai jogn, i comuns y les scores. L’inciaria döra dal 2021 al 2023.
I mëmbri dla Consulta di jogn nominá sön proposta dles uniuns di jogn é Vito Campei da La Val, Lukas Castlunger de Badia, Valentin Erlacher da La Pli, Milena Kostner da Urtijëi, Felix Nagler da La Val y Gabriel Stuffer da Urtijëi. Sciöche rapresentanc chiris fora dai Sorvisc ai jogn é gnüdes nominades Alessandra Insam da Urtijëi y Greta Lerchner de Badia. Elvis Burchia de Badia, Janpierre Prugger da Urtijëi y Julian Stuffer da Santa Cristina é i esperc che fej pert dla Consulta di jogn ladina sön indicaziun di comuns. Sön proposta dl Consëi scolastich provinzial é gnüda nominada Lena Mulser da Urtijëi. Mulser é stada cina sëgn presidënta dla Consulta. Sciöche ëra á ince Campei, Erlacher, Kostner, Nagler, Burchia y Gabriel Stuffer bele lauré pro la Consulta ti ultimi agn.
I mëmbri dla Consulta di jogn todëscia é Verena Mittelberger, Thomas Hofer, Dominik Alber, Andreas Völser, Lucia Baumgartner, Sarah Gritsch, Anouschka-Katharina Van Rossem Van Sinoutsker, Franziska Gasser, Iris Achmüller, Alex Giovanelli, Benedikt Troi, René Ploner, Simon Mayr y Petra Eisenstecken.
I mëmbri dla Consulta di jogn taliana é Maria Myruna Andrei, Roberta Catania, Lucas Jaquin Da Tos, Luca Miozzo, Tracy Oberti Missemma, Maddalena Povinelli, Francesco Rauhe, Francesca Longhino, Giulia Ravelli, Valentino Rando, Mattia Conci, Juan Alberto Giaier y Andrea Pellegrin.
jw/tl/san
