Toch de strada por chi dla roda: ok dla Junta al proiet söl Ju de Sela
L’ampliamënt dla strada sön le Ju de Sela cun n tru dla roda dess aumenté la sigurté stradala y sostigní la mobilité sostenibla. La Junta á aprové les carateristiches tecniches.
La sigurté dla strada stradala SS 2422 danter Plan de Gralba y le Ju dl Sela dess gní aumentada tres la costruziun de n toch de strada sciöche tru dla roda por zirca 500 metri. Sön scomenciadia dl assessur por la mobilité Daniel Alfreider él la Junta provinziala che á aprové incö (29 de jügn) mudaziuns ales carateristiches tecniches che fej referimënt a n porit bele aprové por le ressanamënt de cater punc.
Le proiet vëgn insciö integré cun l’ampliamënt dla strada y la costruziun de implanc de proteziun por le passaje de chi dla roda. Aladô dl assessur é chësc intervënt n contribut por mioré le sigurté stradala te chël toch y ince por ti dé na sbürla a formes de mobilité sostenibla. “La costruziun de toc de strada aposta por chi dla roda fej ince pert dl memorandum por na mobilité sostenibla sön i jus dolomitics”, dij Alfreider sotlignan che “nosc obietif é tler: manco auti sön i jus y plü formes de mobilité che ne incuinëia nia y ne fej nia cajin.”
Ajornamënt dles diretives por la sigurté stradala
L’oportunité da fá chësc toch de tru dla roda é gnü a se le dé porvia de laurs che vëgn bele fa por la sistemaziun y le ressanamënt de cater punc sön la strada che porta al Ju de Sela tl Comun de Sëlva. “Tl dagní oressun tres deplü colié i laurs sön les strades cun l’ampliamënt dla mobilité dla roda; i sun drio da ajorné les diretives provinziales sön la sigurté stradala”, á dit Alfreider.
Toch dla roda por chi dla roda danter Plan de Gralba y le Ju de Sela
La costruziun dl toch de tru dla roda gnará a se le dé por 500 metri danter Plan de Gralba y le Ju de Sela. Al gnará fat sön la pert da jí söpert. Implü gnarál fat strotöres de proteziun. Indöt él preodü n investimënt de 450.000 euro. Adöm ai laurs de ressanamënt di punc él preodü insciö n investimënt de indöt 1,5 miliuns de euro.
rc
Galaria dales fotografies
