Imparé i lingac: le grup de laur dla FUEN tëgn so congress a Balsan
Le grup “Educaziun y Formaziun” dla FUEN é ruvé adüm a Balsan por so convëgn anual, cun l’intenziun de mëte a confrunt i sistems scolastichs desvalis de deplü mendranzes spanüdes fora por l’Europa.
I salüc ofiziai è gnüs sporc dal Assessur Daniel Alfreider, vize-presidënt dla FUEN (Union Federalistica dles Nazionalites Europeiches), adüm ala secreteria generala dla FUEN, Éva Adél Pénzes, y ala coordinadëssa dl grup de laur, Bérengère Vogel.
Avisa la Éva Adél Pénzes à daurì i laurs dl convëgn, dijon che "les mendranzes dla Provinzia de Balsan god de n model educatif, che é da tó da ejëmpl dales atres mendranzes". L’assessur Alfreider à alzè fora l’importanza fondamentala, por na mendranza, de avëi n insegnamënt tl lingaz dla uma.
Al ferënza tol pert esperc ruvà adalerch da passa 10 stac europeichs, chi che pò conësce plü da dlungia la realté y scolastica di trëi grups linguistics dla provinzia da Balsan: le sistem scolastich todësch (porté dant da Christian Walcher), chël ladin (presenté da Emanuel Valentin) y chël talian (portè dant da Verena Cassar y Renate Rauter).
Tratan le convëgn à i partecipanc la poscibilité da se baratè fora informaziuns y da se scambié esperiënzes n cunt de sistems educatifs y pratica te scora. Al é preodü da jì a visité la scora elementara "Goethe" de Balsan y la scolina "Salieta" de Urtijëi. A completé i dis de formaziun vëgnel ince pité na vijita al "Istitut de linguistica aplicada" dla Acedemia Europeica EURAC.
Le focus é metü sön le prüm ziclus de educaziun, chël che è determinant por imparé deplü lingac da pert di pici mituns. Al ó ester strotüres aladô (scolines y scores elementares), personal cualifiché, mo dandadüt n sistem basé sön fundamëntes scientifiches y bunes pratiches pedagogiches.
Clican chiló röiun ala verjiun originala dl comunicat stampa por visualisé imajes, documënc o video che taca lapró
red/san
