La Provinzia chir jornalistes y jornalisć
L’Ofize Stampa dla Provinzia Autonoma de Balsan chir cater jornalises y jornalisć a tëmp determiné tres n concurs publich. An pó dé jö domanda cina ai 10 de jená.
L’Aministraziun provinziala chir cater jornalises y jornalisc por l’Ofize Stampa al intern dl’Ajentöra por la Stampa y la Comunicaziun y á scrit fora na bandida de concurs por contrac a tëmp determiné tla sënta a Balsan. L’assunziun sará a tëmp determiné por la dorada dla legislatöra cina al novatejimo de dal insediamënt dla Junta provinziala nöia. Al se trata de n post por la cualifica “Jornalista dl’aministraziun publica / jornalista dl' aministraziun publica” y de n post por la cualifca “Jornalista dl’aministraziun publica – jornalista dl’aminstraziun publica espert/a”. Al pó tó pert al concurs – aladô dla bandida de concurs por le post da jornalista o da jornalista espert/a – jornalisc scric ite al’Albo nazional cun n diploma dla scora alta, de na laurea trienala o de n titul universitar de almanco cater agn. Al vëgn damané le atestat de bilinguism B2 (ex B) o C1 (ex A) y che corespogn ales conescënzes linguistiches damanades por les funziuns al intern dl’aministraziun publica.
Un en post resservé al grup ladin, dui posc al grup talian y un a chël todësch
Dui di cater posc é resservá al grup linguistich talian, un al grup linguistich ladin y un al grup linguistich todësch. L’idoneité ará valüta por döta la legislatöra. En caje de nezescité y de desponibilité podarál gní tut sö candidac y candidates cun idoneité aladô dla gradatöra dl concurs y dl organich. La bandida de concurs é publicada sön la plata internet dla Provinzia tla seziun dedicada al Personal sot ala seziun “concursc” y sön le Boletin Ofizial dla Regiun. Le termin por dé jö les domandes toma dales 12:00 en lönesc ai 10 de jená dl 2022 menan tres na PEC döta la documentaziun nezesciara al’Ofize Assunziuns personal personalaufnahme.assunzionipersonale@pec.prov.bz.it o tres email a assunzionipersonale@provincia.bz.it o ince sön papier pro la sënta dla Provinzia Autonoma de Balsan, strada Renon 13, 39100 Balsan.
Clican chiló röiun ala verjiun originala dl comunicat stampa por visualisé imajes, documënc o video che taca lapró
gst/sf
