La Provinzia chier 5 assistënc scolastics
La prozedura dl cuncors à la finamira de tò su a tëmp ndeterminà tl’aministrazion dla scola, tla IV cualifica funziunela.
Sun la plata internet dla Repartizion Personal iel unì publicà 5 cuncorsc nueves per tò su a tëmp ndeterminà assistënc tecnics per la scola, tla IV cualifica funziunela, per l’aministrazion dla scola. L avis de cuncors publich y la dunfierta de mubltà danter i ënc reverda: 1 na stiera a tëmp plën per l ciamp dl mitel tl Zënter de furmazion prufesciunela “Christian Josef Tschuggmall” de Persenon, resserveda ala grupa de rujeneda tudëscia; 1 na stiera a tëmp plën per l ciamp dla tecnica dl lën tl Zënter de furmazion prufesciunela “Christian Josef Tschuggmall” de Persenon, resserveda ala grupa de rujeneda tudëscia; 1 na stiera a na pert de tëmp, 32 ëura al’ena, per l ciamp dl artejanat artistich tl Lizeum d’Ert “Cademia” cun sënta de servisc a Urtijëi, resserveda ala grupa de rujeneda ladina; 2 stieres a tëmp plën per l ciamp dl’eletronica tl Istitut de istruzion secundera de II degré “G. Galilei” de Bulsan y la Scola prufesciunela provinziela per l artejanat, la ndustria y l cumerz "Guglielmo Marconi" de Maran, resserveda ala grupa de rujeneda taliana. I recuisic per unì lascei pro ie l diplom dla scola mesana o l diplom de avëi finà l troi furmatif spezifich per l ciamp revardënt o esperienza prufesciunela spezifica de almanco cater ani tl setor o avëi fat l biennium de n istitut tecnich aut spezifich per l setor o l diplom de n istitut prufesciunel o de n curs de cualifica prufesciunela de almanco doi ani spezifich per l setor y l atestat de bilinguism B1 y l ejam de ladin B1 (per i ladins). Per nfurmazions sëuraprò iel mesun cuntaté l Ufize assunzion personal martina.coviello@provincia.bz.it, telefonn 0471 411557.
Clican chiló röiun ala verjiun originala dl comunicat stampa por visualisé imajes, documënc o video che taca lapró
an/uli/dl
