Prejentazion dl liber y cunversation sun l ADHD
Manifestazion metuda a jì deberieda dala Bibliotech provinziela Dr. F. Teßmann ai 3 utober
BULSAN (USP). Cie uel pa dì ADHD? Reverdel pa mé i mutons? Ce sintoms se mostra pa pra i adulc? Iel pa for na gauja spezifica? Pernanche l nasc l suspet dl desturb de defizit de atenzion y iperatività (ADHD) cumparëscel truepa dumandes. Scebën che l desturb ie for plu cunesciù, iel n con’ dl ADHD tl’età adulta for mo na mancianza de savëi che fej marueia. Chësc cumporta tëmps de diagnosa lonc, dantaldut pra la mutans y l’ëiles, che giapa la diagnoses suvënz tert o puech prezises. Ma cie dëssen pa fé sce n rata de avëi nstësc ADHD o sce n l suspetea pra d’autri? Can y percie dëssa pa l ADHD unì curà? Y co fé garaté la vita da uni di? Te chësc liber pieta doi esperc respostes che se basa sun nrescides n con’ dla dumandes plu mpurtantes sun l ADHD.
Andreas Conca ie psichiater, psicoterapeut y presidënt dla Società Italiana di Psichiatria (SIP). L nsënia tla universiteies de Dispruch, Persenon y Bulsan y possa mustré su truepa furmazions internaziuneles y publicazions. Leprò fovel giut l coordinadëur dl servisc de psichiatria per l’età evolutiva tl raion saniter de Bulsan. Giancarlo Giupponi ie psichiater, psicoterapeut, vize-diretëur dl servisc de psichiatria dl raion saniter de Bulsan y presidënt dla sezion regiunela dl Trentin-Südtirol pra la Società Italiana di Psichiatria (SIP). Do si ativiteies tl LMU Klinikum a Minca iel stat per de plu ani duzënt tla Università de Graz y à fat l’abilitazion da prufessëur straurdiner a Roma. Si ciamp ie l ADHD y la prevenzion dl suizide.
Juebia, 3 utober
dala 20 Uhr
a Bulsan, streda A. Diaz 8,
Bibliotech provinziela Dr. F. Teßmann
La cunversazion cun i autores vën meneda da Stefan Eikemann, psicologh, psicoterapeut y diretëur dl servisc de cunsulënza per families "Fabe". Na manifestazion metuda a jì deberieda dala Bibliotech provinziela Dr. F. Teßmann y dala cësa editëura Athesia-Tappeiner.
Clican chiló röiun ala verjiun originala dl comunicat stampa por visualisé imajes, documënc o video che taca lapró
red
