Cualità di dac y monitoring

L proiet “Cualità dac y monitoring” à coche travert l relevamënt sun l ciamp per formulé prupostes de miuramënt dla cualità di dac y de si monitoring, tl cuntest dl Sistem Istruzion y Furmazion dla Provinzia Autonoma de Bulsan – Südtirol.
L’ azions de miuramënt purtedes dant n basa al relevamënt sun l ciamp:

1. Putenziamënt dla funzions de PopCorn per miuré la cualità dl lëur y di dac
2. Ampliamënt dla cunescënza di programs y dla funzions metudes a despusizion dai software n droa
3. Predespusizion de n catalogh di dac strategics de utl per i dirigënc/la dirigëntes dla scoles y al management
4. Predespusizion di “cockpits” per la reprejentazion di dac destinei ai utënc defrënc/ala utëntes defrëntes dl sistem
5. Renfurzamënt de n sistem de Data Quality Management per l Sistem Istruzion y Furmazion

Descrizion dl travert y di resultac aspitei

1. Putenziamënt dla funzions de PopCorn per miuré la cualità dl lëur y di dac::
   Agì sun l miuramënt di strumënc IT n droa (PopCorn) per alesiré y miuré l lëur ti secretariac dla scoles cun fazions positives sun la cualità di dac.
   Vantajes prinzipiei:
   • avëi a despusizion strumënc adatei per i duvieres di secretariac
   • efizienza tl’adurvanza di strumënc destinei ala gestion di dac di sculeies/dla sculées
2. Ampliamënt dla cunescënza di programs y dla funzions metudes a despusizion dai software n droa::
   Ativazion de n team de proietazion y de gestion dl’ativiteies de furmazion/nfurmazion permanënta destinà ai utënc dl sistem IT dla scoles.
   Vantajes prinzipiei:
   • personal furmà a na maniera adateda sun i strumënc y la funzions IT n droa
   • sistematizità tla erogazion dla furmazion
   • spartizion y defujion dla documentazion n referimënt ai strumënc IT n droa (manuai d’adurvanza, guide, tutorial)
3. Predisposizion de n catalogh di dac strategics de utl per i dirigënc/la dirigëntes dla scoles y per l management:
   L ie n’azion che vëij danora l’identificazion y la standardisazion dl set de nfurmazions strategiches per i pruzesc de planificazion, previjion, valutazion
   Vantajes prinzipiei:
   • catalogh prezis y standardisà di dac y di ndicadëures plu mpurtanc per i profii de management defrënc
   • gestion mireda dla cualità di dac plu mpurtanc
   • despunibltà de n catalogh che se svilupea tresora y che ie basà sun i bujëns dl management
4. Predisposizion de “cockpits” per la reprejentazion di dac destinei a utënc defrënc/utëntes defrëntes dl sistem
   L ie n sistem IT che à l obietif de smendrì la “polverisazion” dla nfurmazion tres la ntegrazion di dac y metan a despusizion n “cockpit” direziunel /”cockpits” direziunei per la reprejentazion flessibla di dac..
   Vantajes prinzipiei:
   • mudazion de pruspetiva: da “truep dac y puecia nfurmazions” a “truepa nfurmazions y puec dac”
   • azes y reprejentazion scemplificheda di dac
5. Renfurzamënt de n sistem de Data Quality Management per il Sistem Istruzion y Furmazion
   L ie n sistem tecnich/de urganisazion per museré a na maniera sistematica l livel dla cualità di dac che ie bele a despusizion dl Sistem Istruzion y Furmazion y per identifiché i ntervënc che possa :
   
   • determiné l miuramënt dla cualità di dac,
   • renfurzé i ntervënc de miuramënt.

   Vantajes prinzipiei:

   • tres la muserazion sistematica dla cualità di dac possen mëter a jì azions de cumedura adatedes ala mancianza ndividueda
   • avëi a despusizion dac de chëi che l livel de cualità curespuend ai bujëns dl management.

   La grupa de lëur à svilupà si lëur tres relevamënc sun l ciamp tulan ite i atëures plu mpurtanc che lëura tl Sistem Istruzion y Furmazion. I strumënc de relevamënt adotei ie stac:

   • Focus group
   • Ntervistes
   • Cuestioneres

   Tres i relevamënc àn pudù purté ala lum cin tematiches che ie states oget dla prupostes de miuramënt sometudes al’apurvazion y ala validazion da pert dla grupa d’adressamënt metuda adum dai dirigënc/dala dirigëntes dl Sistem istruzion y furmazion che à formulà la ncëria. L ie unit ndividuà doi prupostes identifichedes coche prioriteres y che ie unides apurvedes per unì atuedes.

   1. Putenziamënt dla funzions di PopCorn per miuré la cualità dl lëur y di dac
   2. Putenziamënt dla cunescënza di programs y dla funzions metudes a despusizion dai software n droa
   I detai sun i terminns che reverda la road map di lëures d’atuazion dla doi prupostes de miuramënt apurvedes y i detai d’urganisazion che reverda la vianvieda dl’azions d’atuazion relatives unirà determinei pra la proscima ancuntedes cun la grupa d’adressamënt che à formulà la ncëria (PAG).

Cunsëies y prupostes

Sce te ues purté pro cun cunsëies, esperienzes y critiches o sce te és na pruposta cuncreta da fé te nvions a nes mandé ti cuntribut tres chësc portal. Saron cuntënc de pudëi te cuntaté.

A mëteman dla plata ↑

Ultima atualisazion de nosc proiet

Degun comunicac stampa presënc