Senificat y fins dl sistem

Per cie ie pa n portal online per l sistem de nfurmazion scolastich?

L Sistem de nfurmazion scolastich uel vester na “tofla digitela” - chësc uel dì na purtela unica per abiné adum duc i cunsëies y la prupostes cuncretes che à na fazion sun l miuramënt dl Sistem de nfurmazion scolastich n generel. 
De gra ai feedback de duc i nteressei sarà i operadëures boni de elaburé n plan de miuramënt anuel y plurianuel che respuende ala diretives dl’agënda Digitela y dl e-government.
I sarà oradechël boni de determiné la prioriteies y de planifiché la realisazion di servijes y di prudoc per l miuramënt dl Sistem de nfurmazion scolastich y de garantì na fazion positiva sun l Sistem de istruzion y de furmazion n generel.

Tres chësc portal possa i operadëures dl Sistem de nfurmazion scolastich (che vën tlamei Demand Manager) abiné adum:

• pra l pont de menù cunsëies esperienzes y critiches di genitores, di sculeies/dla sculées, di nsenianc/dla nseniantes, di secretariac dla scoles n cont dla gestion digitela dla nfurmazions y di dac (p.ej. la iscrizion online o l atestat online)
• pra l pont de menù manda ti pruposta prupostes cuncretes de miuramënt o inuvazion da pert de duc i nteressei.

Cun chël che duta la nfurmazions vën purtedes adum te na purtela unica ie l operadëur bon de pité na sëuraududa generela di bujëns y dla prupostes de miuramënt y inuvazion che vën adalerch dal sistem istruzion y furmazion, y l possa a chësta moda identifiché a na maniera tresudënta i ponc de deblëza dl sistem de nfurmazion scolastich te si globalità y nvië via n percurs de miuramënt.
 
Rengrazion bele śën per duc i cuntribuc che nes vën mandei y che trateron cun gran atenzion.