Atualità
-
Co se defënder – ai 17 de setëmber a Laion
USP – n cheder dla pusciblteies de autodefendura fisica vëniel (duman) ai 17 de setëmber dat a Laion. Al workshop metù a jì dal ufize provinziel per l’ëiles ie nviei duc i nteressei.
-
Reunion dla scoles ladines sun l Decret Gelmini
USP - N vënderdi ai 19 de setëmber se anconta i diretëures dla scoles y dla scolines ladines a San Martin de Tor per rujené dla nuviteies che l guviern de Roma à udù dant per la scoles.
-
Doi scoles sota l medemo tët- giaurida dla scola nueva a Urtijëi
USP - Cun legrëza à 200 sculeies y 50 maestri dl ITC Raetia y dla scola prufescionela pudù mëter man chëst ann de scola te na strutura nueva defin, cun truepa lerch y majons spezieles. L presidënt dla Provinzia y l Assessëur ladin à sëurandat la scola de 28.300 cubic. Sëuraprò à la scola nce na palestra, n’aula magna y na biblioteca.
-
Surandada dl 1. pest “Viles” ai 6 de setëmber
USP - La surandada dl pest d’architetöra "Viles - na vila de valüta" da pert dl Assessur Florian Mussner gnará tignida ai 6 de setëmber 2008 tl Museum Ciastel de Tor a San Martin. Te chësta ocajiun vëgnel ince daurì la mostra cun i proiec che é gnüs presentà por chësta gaujiun.
-
Chëst ann de plu posc a desposizion tl albierch “Assudëi”
USP - Chëst ann possa la cësa“Assudëi” ti pité albierch a 12 sculeies mplu. “Bele l ann passà se ova scrit ite de plu sculeies de chëi che ne pudan tò su, perchël ons trasfurmà 12 majons doples te triples”, nsci dij l assessëur Florian Mussner.
-
Tëuta de pusizion dl Assessëur Mussner y dl Ntendënt Verra sun 60 ani de scola paritetica ladina
USP - Ai 27 de agost 1948 univa publicheda la urdenanza dl Minister Guido Gonella n. 5145 che metova dant l model paritetich de nseniamënt per la scoles elementeres ladines te Gherdëina y tla Val Badia. "Ti ultimi 60 ani iel unit fat dl dut per crië na scola per i ladins, che curespuend a si bujëns", nscila sotrissea l Assessëur ladin Florian Mussner y l Ntendënt Roland Verra, che rengrazieia duc canc per l lëur de gran valuta tl ciamp dla scola.
-
Di dla Scola Ladina ai 5 de setëmber
USP - Ai 5 de setëmber 2008 uniral tenì l tradizionel di dla Scola Ladina tla “Cësa dla Cultura Luis Trenker” a Urtijëi metan man dala 9 danmesdi. L Assessëur Florian Mussner purterà dant la nuviteies plu mpurtantes n cont dla politica scolastica tl raion ladin.
-
L proiet „Ladins tl Monn“ unirà prejentà ai 12 de agost
USP - “Ladins tl Monn” ie l titul de n proiet culturel cun l fin de renfurzé l’identità di Ladins che viv ora dla trëi provinzies ntëur Mëisules. L assessëur ladin Florian Mussner prejenterà chësc proiet adum cun Giorgio Moroder n merdi, ai 12 de agost a Bulsan.
-
I posc de rode tles scores ladines vëgn assegnà ai 6 d’agost
USP - I contrac cun na dorada indeterminada por i maestri dles scores ladines, che é bel söinsom tles gradatöres vëgn stlüã jö en mercui, ai 6 d’agost, tla sënta dla intendënza ladina a Balsan.
-
Resultac dl Ejam de Maduranza tla scoles autes ladines
USP - Cuntënt di resultac arjonc pra l Ejam de Maduranza tla scoles autes ladines ie l Ntendënt Roland Verra. Duc i candidac ie passei; trëi ie passei cun l mascimo di ponc. Nce la cumiscions à laurà dastramp bën, nsci Verra.
