Comunicat stampa
Manco burocrazia: paiamënc dla Provinzia online
USP – I paiamënc dla Provinzia jirà da moinla plu riesc y a na maniera plu scëmpla. Chësc ie mesun tres la ntroduzion di paiamënc online mpede la maniera de lëur cun truep papier. “Sibe l barat di documënc che va debujën, che nce i paiamënc nstësc unirà fai sun via eletronica” nscì l assessëur ala finanzes Roberto Bizzo.
Lege dla reforma dla scola auta va duman n drova
USP – Una dla majera reformes purtedes inant dala Jonta provinziela de Bulsan, la regulamentazion nueva dla scola auta va n drova duman mierculdi 29 de setëmber. La lege provinziela ie ncuei unida publicheda tla gazëta ufiziela dla region.
Storia dla vedla stredes tla Val Badia: mostra a Al Plan
USP - N capitul dla storia de frabiché stredes iel dal ultimo fin dl’ena da udëi tla Cësa dl parch naturel Fanes-Sennes-Braies a Al Plan de Mareo. Nchin ala fin de utober iel da udëi na mostra de coche l fova unì frabicà la streda da La Ila nchin sun Valparora. L Archif provinziel de Bulsan mostra a chësta maniera nce culegamënc danter l frabiché stredes y l svilup turistich.
Senteda dla Jonta provinziela dl 27 de setëmber
USP – Dla reforma tlinica, da na prima partizion di bilanz provinziel per l ann che vën y dla termes de Maran à la Jonta provinziela tratà prinzipalmënter te si senteda de ncuei, 27 de setëmber. I ponc de majer nteres, à l presidënt prejentà riesc do la senteda te cunferënza stampa.
Jonta provinziela à dat pro l cunsëi nuef dl Istitut Culturel
USP – L Istitut Culturel Ladin Micurà de Rü à n cunsëi de istitut nuef. La Jonta provinziela à te si senteda da ncuei (27 setëmber) dat pro l Cunsëi de Istitut tenian cont dla prupostes dla lies cultureles y di chemuns dla Val Badia y de Gherdëina.
Semafer de nuet sun la streda dla Val Badia
USP – Da ncuei da sëira, 27 de setëmber vën la streda dla Val Badia sareda danter Mantëna Todëscia y Longega. I lëures de nuet jirà inant ntan duta l’ena.
Truepa de bona ideies pra l Di dla Scola ladina
USP - A Urtijëi iel ncuei danmesdi (10 setëmber) unì tenì l Di dla scola ladina. Passa 300 nesenianc de duc i liviei dla scoles ladines se à tëut pea truepa de bona ideies pratiches per l nseniamënt. Maestres y maestri à chëst ann nstëss prejëntà si bona pratichës, nscì iel unit a se l dé n barat de truepa bona esperiënzes. Durnwalder y Mussner à unerà l lëur de educazion tla scoles ladines.
Mussner mantën i cuntac cun i ambolc dla Val Badia y Gherdëina
USP – Al barat de esperienzes y al mantenimënt di cuntac danter aministrazions chemuneles y la Jonta provinziela ie unì dedicà l’ancunteda dl assessëur Mussner cun i ambolc dla Val Badia y de Gherdëina.
Di dla Scola ladina ai 10 de setëmber a Urtijëi
USP – N marcià dla ideies o na mostra de “bona pratiches”: chësta ie la gran nuvità dl Di dla Scola ladina che unirà chëst ann tenì n vënderdi ai 10 de setëmber a Urtijëi. L presidënt dla provinzia Durnwalder cun l assessëur ladin Mussner giaurirà chësc cunvëni.
Giorgio Moroder danter la persunaliteies cun la majera uneranza provinziela
USP – “Te nosc tëmps ie valores de gran mpurtanza y un di valores plu mpurtanc ie la recunescënza”. Cun chësc pensier à la Jonta provinziela sëurandat la bedaia dla Provinzia de Bulsan sciche sëni de recunescënza a dodesc persunaliteies. Danter i unerei iel nce Romano Prodi, Franz Fischler y Giorgio Moroder.