Comunicat stampa

USP - La Provinzia se mpënia cun de plu servijes a dé nfurmazion sun l pericul de levines, ma dut chësc ne joa nia sce la jënt ne scota nia su. L presidënt dla provinzia Durnwalder à ncuei, 6 dezëmber, fat n apel de se nfurmé miec dan jì te raions da truepa nëif.

USP – L di dl ulentariat, n sada 4 de dezëmber ie stat ucajion per l presidënt dla provinzia Durnwalder de sëurandé set uneranzes. Danter i unerei iel nce Walter Valentin de Badia y Oskar Insam de Sëlva. Tla cësa Walther a Bulsan à l presidënt segurà de ulëi fé dut l puscibl per sustenì l ulentariat.

USP - Ncuei, 2 dezëmber mostra la RAI TV Ladina dla scumenciadiva „Ladins tl monn“, la plataforma de ancunteda y barat per ladins sun internet. La scumenciadiva dl Assessorat Provinziel Ladin pieta ucajion de cuntat danter i ladins che ie jic a viver ora per l mond y nce cun i cumpanies y parënc che vif ti luesc ladins. La documentazion de „Ladins tl monn“ unirà mustreda tl cheder dla trasmiscion Scenar, che scumëncia dala 20.30 sun l terzo canal dla RAI.

USP – Pra n cunvëni metù a jì dal’ Università La Sapienza de Roma iel l proiet dl Museum Ladin Ciastel de Tor “Sciüri, scibloc y subiote” stat argumënt de descuscion.

USP – La segonda Cumiscion provinziela per la cuntreda à n merdi, 30 nuvëmber, tratà na stazion nueva sun Jëuf de Sela per n lift dai stuei. L proiet ie unì azetà cun vel cundizions. L bënsté à nce giapà n mënder ntervënt pra la utia Capanna Alpina a Armentarola.

USP – “Fajon pea chësc proiet de candidatura ajache son dla cunvinzion che la defrënzes a n valor y ajache l ie debujën de fé promozion dla particulariteies de nosc raions te n tëmp che l vën rujenà scialdi de globalisazion”. Cun chësc pensier à l presidënt dla provinzia Luis Durnwalder ncuei (prim dezëmber) sotscrì a Unieja l documënt per ufizialisé la candidatura dl Nordest dla Talia per la Capitela europea dla cultura 2019.

USP – L proiet esecutif dla vedla scola elementera a Urtijëi ie chëst’ ena unì tratà y azetà dala Cumiscion tecnica provinziela.

USP - Sun l Jëuf de Sela, riesc sota la cava uniral fat n puent nuef. La Jonta provinziela à te si senteda de chëst’ena azetà la pruposta dl assessëur Mussner de fé l puent da nuef per garantì la segurëza y l culegamënt.

USP – L stlet inuem che na rujeneda prugrameda à suvënz, ie n juebia, 2 dezëmber argumënt de na cunferënza dl prufessëur Paul Videsott tla biblioteca provinziela Teßmann a Bulsan. Chësta ie l’ultima de na lingia de set cunferënzes tla Teßmann dedichedes ala rujeneda.

USP – Cun de plu pruvedimënc uel la Provinzia de Bulsan sensibilisé per n cumpurtamënt sun i purtoies dai schi che respetea i autri y la regules. L assessëur al turism Hans Berger deberieda cun esperc dl ciamp à ncuei (30 nuvëmber) prejentà i pruvedimënc per la segurëza sun i purtoies, cun danterauter nce la campania de prevenzion "RischIO? - GefährlICH?".