Aministraziun | 15.11.2024 | 08:55

l vën cris ispetëures de statistica y cunservatëures dl Liber Fundier

L vën metù a jì n cuncors per dé ora la stieres per 5 respunsabli/es dl Liber Fundier, y tres la mubltà nterna 5 stieres da ispetëures de statistica – La dumandes muessa unì dates ju nchin ai 22/11

BULSAN (USP). Tl Istitut provinziel per Statistica a Bulsan y ti ufizies dl Liber Fundier a Bulsan, Burnech, Maran y Sterzing vëniel cris personal.

Cun n cuncors publich vëniel dat ora de ndut 5 stieres da cunservatëures dl Liber Fundier. L vën pità n lëur a tëmp ndeterminà y a tëmp plën tl 8. livel funziunel. La stieres ie resservedes ala grupes de rujeneda ladina y tudëscia, ma pra l cuncors pòssel nce fé pea chiche toca pra la grupa de rujeneda taliana. Chiche à n studi universiter de iurisprudënza stlut ju de almanco cater ani, l atestat de abilitazion da cunservatëures dl Liber Fundier y l ejam de bilinguism C1 (l niveau A da dant), possa se nunzië per l cuncors. L ejam scrit ie ai 3 de dezëmber, l ejam a usc ai 10 de dezëmber.

Per la stieres a tëmp plën de ispetëures de statistica pòssel al incontra mé se nunzië chëla nteressedes y chëi nteressei che à bele na stiera a tëmp ndeterminà te n ënt publich. Nce tlo muessun avëi l ejam de bilinguism C1, per ladines/s nce l ejam de ladin C1. Oradechël vàla de avëi l ncadramënt te n 8. livel funziunel te na sort de lëur che ie ecuivalënt ala stiera nueva scrita ora cun chësc cuncors.

Per tramedoi chedri de lëur iel da se nunzië nchin ai 22 de nuvëmber, per la 12.00 da marënda. L ie da se scrì ite estlujivamënter online, tres la plata internet dla Provinzia, la va de se scrì ite tlo, per l cuncors, per se nunzië per la mubltà iel da se scrì ite tlo.

red