Atualità

ast - L svilup dla rujeneda ladina tl idiom de Gherdëina à nsnuet, mierculdi 17 de dezëmber, arjont n auter var mpurtant. Cun l CD nuef dl vocabuler tudësch-ladin de Gherdëina se lascel lauré plu saurì cun nosta rujeneda dl’oma. La forma digitela dl vocabuler de Marco Forni pieta, dantaldut per chëi che uël mparé l ladin, nce de pudëi audì la drëta pronunzia dla paroles. L Istitut Culturel Ladin Micurà de Rü à nsuet presentà l strumënt neuf tla scolina de Urtijëi cun na performance drët tucheda.

Usp – Pra l vocabuler „tudësch – Ladin de Gherdëina“ iel unì fat na CD. L Istitut Culturel Ladin „Micurà de Rü“ l presenterà n mierculdi ai 17 de dezëmber 2003, n presënza dl assessëur ladin Florian Mussner, tla Scolina nueva Salieta a Urtijëi.

Usp – Per l bon lëur cun l proiet plurilinguistich „Museumspass“ à na delegazion dla 2a tlas dla Scola Mesana de Urtijëi pudù pié do a Roma, tl Ministero per l’Istruzion, l pest „Label“. Ala premiazion de n juebia ai 11 de dezëmber, ie nce furnei l ntendënt Roland Verra, l diretëur Helmuth Senoner y nsenianc che à judà pea tl proiet.

OSP - Duman juebia ai 11 de dezëmber 2003 furnea na delegazion dla Scola Mesana de Urtijëi cun l Ntendënt Roland Verra a Roma a pië do l pest sëurandat dala Ministra dla Istruzion Moratti. La scola à venciù l prim pest LABEL per la categuria scola mesana cun n proiet sun l’educazion linguistica ntegreda, l pest vën sëurandat ai mieur proiec sun la rujenedes.

Usp – L ie unì scrit ora n cuncors per la stieres da nsenianc de tlas y per nsenianc de religion dla scoles elementeres ladines. La dumandes per fé pea al cuncors possa unides dates ju nchin ai 23 de jené 2004 tla Ntendënza ala Scola Ladina a Bulsan.

USP - Sciche udù dant dala lege vëniel fat cuntroi sun i cuntribuc culturei cunzedui dala Provinzia. L 6% di caji che vën cialei do plu avisa dal’Aministrazion Provinziela unirà trai ora tres n’estrazion ai 12 de dezëmber te na senteda publica.

Usp - Da permó à l ufize per l sustëni de studënc dat ora n cundejel dal titul "Recht auf Bildung - Förderungsmöglichkeiten für Hochschüler/-innen". Studënc y chëi che l ulëssa deventé abina tlo nfurmazions sun i cuntribuc y i servijes che la Provinzia de Bulsan piëta.

Usp – N curs a pèr dl lëur per trainer de „Wellness“, vëniel da fauré 2004 pità dala Scola Profesciunela "Luis Zuegg" de Maran. L curs ie de ndut 900 ëura y dura nchin d’auton 2005. Nteressei possa nrescì velch de plu pra n domesdi de nfurmazion l merdi ai 16 de dezëmber 2003 tla Scola Profesciunela da hotelier Kaiserhof a Maran.

USP – Stories sun l handicap y i emarginei ie stat l argumënt dl cuncors „Portes“ metù a ji per sculeies dla scoles elementeres y mesanes ladines. I lëures di sculeies, fai n uncajion dl’ann europeich dedicà a persones cun handicap, ie unic premiei n juebia ai 20 de nuvëmber a Al Plan de Mareo. Te chësta ucajion iel nce unì presentà tesc’ de n sculé autist. La manifestazion drët sentida ie unida cumpanieda dala presënza dl Assessëur ala Scola Ladina Florian Mussner. Un n tema ie unì scrit ntëur per n pez de teater che ie unì tëut su dala RAI Ladina y unirà mustrà ai 27 de nuvëmber.

OSP – Ala fin de jené 2004 uniral inò ora l liber dai cursc "Zeit für Weiterbildung". Urganisazions, lies y firmes che mët a ji manifestazions de furmazion nchin de agost 2004 tla rujeneda ladina y tudëscia, possa se mëter n cuntat cun l ufize per la furmazion nchin ai 10 de nuvëmber.