Comunicat stampa

USP – Impormò l’edema passada à le presidënt dla Provinzia Arno Kompatscher stabilì la basa por na destribuziun nöia dl fonds por i comuns de confin; inier (ai 19 de jügn) à Kompatscher podü splighé a na delegaziun di comuns ladins de Fodom, Ampëz y Col i critêrs por l’assegnaziun di finanziamënć

USP – Lascè florì les strades y plazes ti zëntri di comuns y dles fraziuns: chësc é le fin dl concurs “les strades che florësc”, che vëgn organisé inće chësc ann tratan l’edema dla mobilité. L’Agenzia por la mobilité inviëia düć i comuns tl Südtirol y tl Tirol da tó pert ala scomenciadia, an po se scrì ite ćina ai 30 de jügn.

Le Museum Ladin Ursus ladinicus a San Ćiascian y l’Ofize Parcs naturai pîta dai 26 de jügn ćina ai 18 de setëmber dl 2014 vigni jöbia na jita acompagnada ćina sö dal ander de Conturines, olache an à ciafè dl 1987 i resć dla laûrs di andri Urus ladinicus. Dai 3 de lugio ćina ai 28 d’agost vara inće da jì a ti ćiarè vigni jöbia domisdé al museum dles laûrs cun n espert.

USP - Da püch à na rapresentaziun dla mendranza slava di sorbs vijité le Südtirol. Por podëi conësce plü daimprò la realté dles mendranzes tl Südtirol él gnü organisé danter l’ater inće na vijita al Museum Ladin “Ćiastel de Tor” a San Martin y ala galaria d’ert “Unika” a Urtijëi.

La conferënza stampa de presentaziun dl program dles operes stradales di proscimi cinch agn gnarà tignida en lönesc, ai 23 de jügn dales 10.30 tl Palaz provinzial 2 (secunda alzada, ofize 205), plaza Silvius Magnago 10 a Balsan

USP - Indoman, jöbia ai 19 de jügn, pëia ia la terza aziun dla campagna de sensibilisaziun por i motoziclisć sön les strades te döt le Südtirol: en jöbia (19 de jügn) sciöche en sabeda (22 de jügn) gnaràl partì fora inće sön i jus dles Dolomites flyers cun informaziuns sön i comportamënć sigüsc sön strada.

USP - Na maiù colaboraziun, dantadöt tl ćiamp dl’archirida, danter les provinzies dl Tirol, Südtirol y Trentino: chësc é stè un di azënć dl’incuntada da inier, mertesc ai 17 de jügn a Desproch di trëi presidënć dles provinzies Günther Platter, Arno Kompatscher y Ugo Rossi adöm cun i returs dles universitês de Desproch, Balsan y Trënt.

USP - Danter l’ater à la Junta provinziala aprovè incö le program por la realisaziun dles operes publiches sön strada por i proscimi cinch agn: insciö él gnü inserì sön la lista cun la majera priorité l’entrada dla strada tla Val Badia dala strada statala a San Laurënz, che dess gnì scrita fora tl 2015.

Na dezijiun tuta incö, mertesc ai 17 de jügn, tratan la sentada dla Junta provinziala é stada l’aprovaziun dla partezipaziun al finanziamënt da pert dla provinzia ales spëises por la gestiun dl zënter de documentaziun sot le monumënt dla Vittoria a Balsan.

USP – Indöt 272 mituns y mitans à metü man en sabeda, ai 14 de jügn i ejams finai dla scora mesana. Tles cater scores altes te Gherdëna y tla Val Badia él indöt 82 scolars che fajarà en jöbia, ai 18 de jügn la pröma proa scrita di ejams de maturité.