Comunicat stampa

USP – N merdi ai 4 de dezëmber gëura tl Tublà da Nives te Sëlva la mostra dedicheda al mestier dl chelner. Chësta mostra dal titul “Cie ëis’a gën? Sie wünschen? Desidera?” ie unida a se l dé te na culaburazion danter l Touriseum che à fat la mostra, l Museum Ladin Ćiastel de Tor y la lia culturela Tublà da Nives.

USP – Ntan l 2012 iel tres l’Assessorat provinziel ladin unì sustenì l mpëni dla jënt per la cultura ladina cun 1.345.422 euro. La Cunsulta culturela ladina à (INIER) ai 28 de nuvëmber dat pro i ultimi cuntribuc per chëst ann. Nce sce l’aministrazion publica ie sfurzeda a sparanië, iel chëst ann stat mesun mantenì l livel de sustëni finanziel per la lies sciche l ann passà.

USP - Dan da 150 agn nasciôl a La Pli de Mareo Angelo Trebo, un di poeć ladins plü importanć. Por l comemorè vëgnel en sabeda ai 1. de dezëmber tignì n conzert dales 16 tla a La Pli de Mareo.

USP – Mpustazion de sparani, la defendura dl’Autonomia y n bilanz de 2,2 percënt mënder dl’ultimo: l ann 2013 se damanda n gran mpëni. Ciunes che ie la mires y la strategies dla Jonta provinziela spiegherà l presidënt dla Provinzia Luis Durnwalder te si relazion de bilanz, n juebia che vën, ai 6 de dezëmber te Cunsëi provinziel.

Co che la Provinzia y la banches sustën l’economia, pusciblteies nueves per ressané la uties da mont che la Provinzia à sëurantëut dal CAI, la diretives per la cremazion y l mpëni di 100 milon dl’Acurdanza de Milan ie stai i pronc prinzipei dai pro dala Jonta provinziela ai 26 de nuvëmber. Chësta dezijions prinzipeles ie unides prejentedes riesc do la senteda dal presidënt dla provinzia Luis Durnwalder te na cunferënza stampa.

USP – Co che i 100 milion de euro, udui dant tl’Acurdanza de Milan dëssa chëst ann unì mpeniei, ie (NCUEI) ai 26 de nuvëmber unì dat pro dala Jonta provinziela.

USP – Co che dëssa unì fat na cremazion y co che l cënder dl defont possa unì tenì su o spandù ora ie (NCUEI) ai 26 de nuvëmber unì udù dant dala Jonta provinziela sun pruposta dl assessëur Theiner. I particuleres muessa nchin te 30 dis unì regulamentei dai singuli chemuns.

USP – Per i osć che mëina la uties da mont che la Provinzia ova sëurantëut dal CAI iel mpurtant savëi canche l possa unì fat lëures de ressanamënt. Na lista dla prioriteies che unirà laureda ora dal departimënt dl assessëur Florian Mussner dajerà respostes. La Jonta provinziela à (NCUEI) ai 26 de nuvëmber nce fat ora che i osć possa nstës fé pertes dl ressanamënt che unirà pona tenì cont tl fit.

USP – La cooperatives de garanzia, l sustëni al export y l fond de rotazion ie la trëi seves prinzipeles de culaburazion danter la Provinzia y la banches per sustenì l’economia da tlo. Śën ie mo ruveda leprò la mira de n parchet de pruvedimënc acioche firmes gëure filieles ti mëndri luesc da na pert ora. La cumiscion aldò à (NCUEI) ai 26 de nuvëmber fat na relazion ntan la senteda dla Jonta provinziela.

USP – L cianté dla mutans y di mutons se adateda particularmënter tl tëmp d’Avënt. Pra l cunzert d’Avënt de grupes ladines tl Dom de Bulsan, cianterà ai 14 de dezëmber nce l Cor di mutons de Sëlva. Deberieda cun mo cin’ d’autra grupes uniral dat demustrazion dla tradizion ladina de cianté l Avënt al publich de Bulsan.