Atualità

USP - La Jonta provinziela de Bulsan à tla senteda de (ncuei) lunesc, 3 de juni fat ora de scrì ora n cuncors de ideies per na streda de zircunvalazion per Sëlva. Per i proscimi 10 ani ie l program dla zircunvalazions tl Südtirol bele fat, perchël saral rie ntegré sëuraprò mo la streda per Sëlva. Danter l’autra decijions dla jonta iel nce pruvedimënc per al forza de compra, paiamënc ai chemuns per l IRAP, cuntroi de cuntribuc da plu provinzies, y la fundazion dla Business Location Südtirol.

USP - L’impëgn de mantignì y restrotoré les viles dla Val Badia onorëia l’Assessorat Ladin dla Provinzia de Balsan cun le pest “na vila de valüta”. Le pest che é gnü scrit fora por le pröm iade é de 7.000 euro. “Les viles é de gran valur, porchël orunse onorè chi che ciara de ëres cun gran pasciun, insciö l’assessur Florian Mussner.

USP – N valgun dis te berstot, te butëiga o te ustaria possa per sculeies dla terza mesana no me vester na bela speriënza, ma nce n aiut a to na decijion per si daunì tl lëur. Tl Palais Widmann a Bulsan iel (ncuei) mierculdi 28 de mei, unì prejentà l proiet per sculeies dla mesana de vester lerneri per vel dis.

USP - Per l proscimo ann de scola se à scrit ite 360 sculeies tla scoles autes dla Val Badia y de Gherdëina. Permez al ann passà iel stat n aumënt de belau 4% cumpedan adum la iscrizions dla cater scoles. L assessëur ladin Florian Mussner manda n apel ala populazion de se nuzé dla scoles autes ladines che à giapà de bona valutazions.

USP - ladin Florian Mussner söl Ju de Frara le vizepresidënt dla Lia di Comuns ladins Paolo Frena, l’ombolt da Fodom Gianni Pezzei y l’assessuria da Cortina d’Ampëz Paola Valle por definì deboriada n proiet che lieia adöm i ladins dles cin valades incër le Sella che vir fora dles trëi provinzies. Invià ala sentada ê ince l’assessur regional Luigi Chiocchetti y le presidënt dla Lia di ombolc’ ladins Bruno Senoner che n’à nia podü tó pert.

USP – I ejames dla scoles mesanes scumëncia ai 17 de juni. Chësc ie unì fat al savëi n lunesc sëira do che l minister per l nseniamënt à mandà ora la dates de ejam per la scoles mesanes.

USP – Dal prosicmo ann de scola (2008/09) possa sculeies y lerneri cun dificulteies de cumprenscion giapé na cualificazion smendrida tla scoles prufescioneles. L unirà metù a jì ejames do criteries adatei ala situazions defrëntes.

USP – Cun na gran festa y truep nteressei ie unì gaiurì la sënta nueva dl Museion, l museum de ert moderna y contemporanea a Bulsan. Cun la strutura nueva ie nce unì fat puenc nueves da jì a pe sëura l ruf dla Talvera. “L Südtirol cëla ala storia ma l uël nce se giaurì al daunì, l Museion ie n var de chësc viers” nscì l presidënt dla provinzia Luis Durnwalder pra la giaurida n sada. Ghest de unëur ie stat l ambolt der Berlin, Klaus Wowereit che à lecurdà che fé nvestimënc tla cultura uël di fé de bon nvestimënc che fej nce crëscer la cumenanza.

USP – Tl’università de Persenon iel (ncuei) vënderdi 23 de mei unì prejentà la gramatica comparativa che reverda l verb. L Istitut Pedagogich Ladin (IPL) à publicà la prima pert de n majer lëur te chël che l vën paredlà la rujeneda ladina cun l tudësch y l talian. L assessëur Florian Mussner à sorissà la mpurtanza di mesuns didatics che juda a fé cunëscer miec la rujendes te nosta provinzia.

USP – De mei à l’Orchestra sifonica di jëuni dl Südtriol tenì cun suzes si prim fin dl ena de cunzerc. L segondo sarà ai 31 de mei y ai prim de juni a Stezing y Schlanders per stlù ju nscì l ann 2007/2008. zu seinem beiden Konzerten zum Abschluss des Arbeitsjahres 2007/2008.