Atualità
-
Nominaziun dl Consëi d’Istitut dl Istitut Cultural Ladin “Micurà de Rü”
USP - L’Istitut Cultural Ladin “Micurà de Rü” se dà jö cun le mantegnimënt y la promoziun dl lingaz y dla cultura ladina. Tignin cunt dles propostes dles assoziaziuns culturales de Gherdëna y dla Val Badia à la Junta provinziala nominé, en lönesc ai 29 d’agost 2005, le Consëi d’Istitut nü dl Istitut Cultural Ladin “Micurà de Rü”. “L’Istitut à na funziun determinanta no ma por le mantegnimënt mo ince por le svilup de nosta cultura ladina” à dit l’assessur Mussner.
-
La Consulta provinziala dla jonëza ladina é gnüda nominada danü
USP - En lünesc, ai 29 d’agost 2005 à la Junta provinziala sön domanda dl assessur Florian Mussner nominé danü la Consulta provinziala dla jonëza ladina metüda adöm da diesc comëmbri. “La Consulta resta trëi agn te süa inciaria y ara à le compit de rapresentè i interesc dla jonëza ladina a livel provinzial” à alzè fora l’assessur Mussner che à sambëgn ince tut l’ocajiun por rengrazié la Consulta da denant por l’impëgn y la colaboraziun tratan i trëi agn passà y ti à aodè tröp suzès te so laûr al gremium nü.
-
I comuns ladins mët a jì ai 6 de setëmber n convëgn sön so dagnì
USP - “Identité, profescionalité y svilup“, insciö à inom le convëgn che vëgn invié ia ai 6 de setëmber 2005 te Sëlva. Danter atri sarà presënc le presidënt dla Provinzia Luis Durnwalder, so colegh dal Trentin Lorenzo Dellai, l’assessur Florian Mussner y l’assessur dla Regiun Veneto Oscar De Bona.
-
Assegnaziun di posc de rode y lëdi por l’insegnamënt tles scores ladines
Ai 11 d’agost 2005 dales 9.00 inant gnaràl assegné tl’Intendënza ladina, Bindergasse 29, a Balsan i posc de rode y lëdi por l’insegnamënt tles scores ladines tratan l’ann de scora 2005/2006.
-
Resultac dl ejam de stat 2005 tles scores altes ladines
L’Intendënza dla scora ladina à inier mertesc, ai 12 de lugio 2005 lascè alsavëi i resultac di ejams de stat 2005 tles scores altes ladines. Ma un n candidat à arjunt le mascimo resultat.
-
Scores ladines: les gradatöres por les inciaries de direziun é sëgn publiches
USP - Les gradatöres provisores por les inciaries de direturia o de diretur tles scores elementares, mesanes y altes ladines por l’ann de scora 2005/2006 é gnüdes publicades inier lönesc, ai 4 de lugio tla Intendënza ladina a Balsan.
-
Incuntada dl assessur Mussner cun la consula generala Ziegler
USP - Inier lönesc, ai 4 de lugio 2005 à Eva Maria Ziegler, consula generala austriaca a Milan incuntè l’assessur Mussner. Danter ater à i dui rajonè dla situaziun atuala di ladins, dla cultura ladina y dl barat cultural cun l’Austria.
-
Film sön i Ladins dles Dolomites da odëi ai 6 de lugio 2005 sön le canal SW3
Chi che a n’antëna cun satelit po ti ciarè en mercui, ai 6 de lugio al film „ Reisewege: Im Herzen der Dolomiten. Die Ladiner in Südtirol“. L’introduziun al argomënt é gnüda realisada cun la partezipaziun dl Museum Ladin.
-
Museum Ladin: program por les families de lugio y agost
Ti mëisc da d’isté, tratan che i geniturs vijitëia pazificamënter le Museum Ladin Ciastel de Tor a San Martin de Tor po les mitans y i mituns imparè a conësce le Museum te na manira plü adatada a ëi. La pröma vijita organisada por families tl Museum Ladin gnarà tignida en jöbia, ai 7 de lugio.
-
Le Museum Ladin organisëia escursciuns tla Val di Morins
Tratan l’isté mët a jì le Museum Ladin Ciastel de Tor a San Martin de Tor escursciuns acompagnades tla Val di Morins. La pröma escursciun gnarà metüda a jì en mercui, ai 29 de jügn.
