Comunicat stampa

La gran domanda do les antizipaziuns, conzedüdes dala Provinzia sciöche n imprëst sön la restituziun dles cutes preodü dal Stat por le ressanamënt de ćiases d’abitaziun privates, devënta tres plü alta.

La Facoltè de Sciënzes dla Formaziun dla Université Lëdia de Balsan, cun sënta a Porsenù, ofrësc en colaboraziun cun les repartiziuns todësces, talianes y ladines dl’istruziun y dla formaziun dla Provinzia n curs de formaziun profescionala por l’insegnamënt dl lingaz inglesc tla scora primara dl Südtirol. Les domandes po gnì presentades ćina ai 19 de agost dl 2014.

Le zënter de documentaziun sot al monumënt dla vittoria é gnü daurì incö (ai 21 de messè) a Balsan. „Cun chësta daurida devënta le monumënt dla vittoria azessibl por düć, y vëgn insciö delibré da so pëis ideologich“, à splighé incö le Presidënt dla Junta, Arno Kompatscher, che à ajuntè, che le monumënt vëgn inserì cun chësc at te n contest storich, le proscimo vare sarà spo la normalisaziun.

La stüa, che é stada secui alalungia la ćiamena prinzipala dla ćiasa tles valades ladines y te döt le Tirol, é la protagonista dla mostra temporana “Le cör dla ćiasa - La stüa tla Val Badia”, inaudada incö, vëndres ai 18 de messè dl 2014, tl Museum Ladin Ćiastel de Tor a San Martin de Tor dal assessur provinzial por la cultura ladina y i museums Florian Mussner y dal diretur Stefan Planker.

En lönesc, ai 21 de messè, vëgnel daurì le Zënter de Documentaziun sot le Monumënt dla Vittoria a Balsan. Al sarà presënć tratan la daurida le Minister por la Cultura Dario Franceschini y le Presidënt dla Provinzia Arno Kompatscher.

Da püch à metü man i laûrs de ressanamënt dl frabicat olache al é inće da ciafè la staziun dla ferata de Pruca. Por gaujia de intervënć interns ai locai, resta le salf da aspetè stlüt por trëi dis. Insciö ne saràl gnanca poscibl da avëi azes al automat dles chertes.

Cun la fin dl mëis gnarà i sorvisc d’informaziun dla Zentrala Viabilité y dla Zentrala Mobilité unificà por amplié y miorè la comunicaziun cun i zitadins. Chësta modaziun y inovaziun gnarà presentada ai 25 de messè.

Trasparënta, saurida da lì y da capì: insciö é la Provinzia de Balsan che ô se presentè tl dagnì sön internet. Le prozès de reorganisaziun y de recostruziun dla Rëi Zivica à bele metü man y va inant tresfora: düć i utënć po fà para ćina en mertesc ai 22 de messè.

Formè cosciënza por rovëne cun segurëza y do les regoles stradales: Inće chësta fin dl’edema (ai 19 y ai 20 de messé) vëgnel organisé aziuns de sensibilisaziun por i motoziclisć sön i jus dles Dolomites.

Les fotografies plënes de corusc dl fotograf american J Henry Fair pê te na pröma odlada composiziuns de ert astrata. Al é indere documentaziuns tristes dla desdrüta dla contrada y dl ambiënt. “De Beles Destrüdes” (Schöne Verwüstung) à inom la mostra che é da odëi tl Museum Natöra Südtirol a Balsan ćina ai 14 de setëmber.