Comunicat stampa

USP - La mostra mostra dla ferata de Gherdëina danter lecorc y vijions, tl Tublà da Nives te Sëlva, resterà davierta nchin a Pasca, ai 8 de auril. L Museum Ladin Ciastel de Tor à metù a jì modiei documënc uriginei, video y passa 100 fotografies dla ferata che dan 95 ani ova scumencià a furné da Tluses nchin te Plan.

USP – I pruvedimënc dl Guviern Monti à nce (NCUEI) ai 13 de fauré fat ora gran pert di argumënc zentrei dla Jonta provinziela. Do plu enes de preparazion y tratatives iel, per ntant, unì stlut ju la cuestion dla liberalisazion cun na pruposta de lege. Te cater ponc vëniel fat recurs al prim pachetl de pruvedimënc de sparani dl Guviern Monti. Per sparanië grunt da frabiché dëssa l IPES nuzé l bonus de cubatura per ressanamënc energetics. La puscibltà de smendrì 5% dl’ëures de scola ie unida trata de reviers.

USP – Te si senteda da (NCUEI) ai 13 de fauré à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres.

USP – Te cater ponc se pera la Jonta provinziela contra l prim decret de sparani da pert dl Guviern Monti. Da Bulsan se peren contra l dërt dl Stat de tò ite per ntier la chëutes spezieles, contra la nueva chëuta per puscions IMU, contra l macë de n’acurdanza sun la pert che l Südtirol dëssa paië y contra la mpustazion de smëndrì i cunsëies de aministrazion dla strutures publiches.

USP – La Jonta provinziela uel sparanië grunt da frabiché auzan, aldò dl bonus per ressanamënt energetich, la cëses cun cuatieres soziei. Sciche l ie unì dat pro (NCUEI) ai 13 de fauré fajerà l Istitut per cuatieres soziei IPES ressanamënc energetics a na maniera da giapé l bonus de 20% dla cubatura sëuraprò.

USP – Dajan pro l calënder de scola nuef cun l’ena de scola a 5 dis, fovel unì udù dant la puscibltà per la singula scoles de smëndrì 5% dl’ëures de scola. Davia che la Jonta provinziela ne ova per chësta puscibltà nia damandà n bënsté dal Cunsëi scolastich statel, ala (NCUEI) ai 13 de fauré trat de reviers la puscibltà de reduzion dl’ëures.

USP – La Jonta provinziela à dat pro la pruposta de lege dl urdenamënt per l cumerz. Cun chësta pruposta (da NCUEI) dl 13 de fauré uelen limité la liberazions ududes danora da pert dl Guviern Monti. I ponc zentrei ie scemplificazions a scumencé n’atività, liberalisazion dl cumerz ti zëntri di luesc y limitazions per l cumerz te raions de produzion.

USP – Duta la maestres dla scolines ladines, assistëntes pedagogiches, praticantes y nce vel educadëssa n maternità à (NCUEI) ai 10 de fauré fat pea l di pedagogich a Urtijëi, dedicà al argumënt de rafurzé i mëndri y svilupé ressorses.

USP - L’ena passeda ova l presidënt di ministri Monti fat ora cun l presidënt dla provinzia Durnwalder che l ëssa nciarià na persona de referimënt per la tratatives cun l Südtirol. S’ën iel unì fat al savëi che l se trata dl minister ala regions Piero Gnudi che traterà cun i reprejentanc politics dl Südtirol per l’atuazion dla reformes te nosta provinzia.

USP – L’educadësses dla scolines ladines se anconta n vënderdi ai 10 de fauré per n di pedagogich a Urtijëi. L di de ancunteda y barat ie dedicà al rafurzé di mëndri y svilupé ressorses. - Nvit ai media.