Comunicat stampa

USP – La Jonta provinziela à (NCUEI) ai 12 de dezëmber dat pro de slargë la reduzion dl IRAP nce a firmes che aumënta l export. Cun chësc pruvedimënt uelen sustenì l vënder prudoc oradecà.

USP – L ne ie mo nia tler co che unirà a cialé ora la manovra de sparani dl Guviern Talian, ma per la Jonta provinziela iel tler che n fajerà recurs per giapé na pert dla chëutes straurdineres y per pudëi marciadé mo dan fé adatamënc al sistem de finanziamënt provinziel. L presidënt Durnwalder à (NCUEI) ai 12 de dezëmber fat al savëi che la Jonta provinziela à bele dat pro de fé recurs a n prim decret.

USP - Da n valgügn dis él tla rëi la plata nöia www.wopapa.it/la/wopapa/default.html tres chëra che an po menè ite propostes por la lîta dla "parora" y dla "parolata" dl ann 2011. Dal 2005 incà chir fora ince tl Südtirol na iuria les parores y les parolates dl ann fora dles propostes che é gnüdes menades ite dala popolaziun. La scomenciadia vëgn fata por düc trëi i lingac dla provinzia, todësch, talian y ladin. Al é ince n liam a facebook.

USP – Per nsenianc de religion, ma nce per la pluanies y chëi che lëura tla comunicazion iel unì njenià n Glossar de Religion te trëi rujenedes. La publicazion nueva unirà prejenteda n juebia ai 15 de dezëmber tl Istitut tecnich Retia a Urtijëi.

USP - Avisa dan 10 ani, ai 12 de dezëmber 2001 fova Florian Mussner unì cherdà da dedora te Jonta provinziela deventan nsci assessëur provinziel ladin. L fova nasciù l Assessorat Ladin che ie n pont de referimënt per la jënt ladina, na reprejentanza tl’Aministrazion provinziela y regiunela.

USP – La sënta prinzipela dl Museum Ladin Ciastel de Tor a S. Martin y la sënta destacheda Ursus Ladinicus a S. Ciascian ie da (NCUEI) ai 7 nchin ai 11 de dezëmber davierta n ucajion di dis de festa.

USP - »Universum«, »Dolomites«, »Laboratorium« ie la trëi pertes de METGEO che unirà prejentedes proscimamënter tla scoles mesanes de Gherdëina y dla Val Badia. METGEO ti dà tla mans ala scoles mesanes n mesum cuncret per pudei mëter ndroa la didatica ntegreda dla rujenedes. Chësta didatica inovativa dla rujenedes pëia aldidancuei bele via tla scolines y dëssa jì inant te duta la scoles.

USP – Persunaliteies dla valedes ladines che se à dat cà per fé viver la cultura ie (NSËIRA) ai 5 de dezëmber unides uneredes dal Assessorat provinziel ladin. Te na pitla festa a La Ila à l assessëur Florian Mussner sëurandat uneranzes a n reprejentant di ulenteres per uni chemun.

USP - Scomenciamënt dl ann scolastich antizipé y fin spostada, edema da cin dis por scolines y scores elementares, da arlungé a sis dis por scores mesanes y altes. Chësta é la pert zentrala dl’acordanza de mascima, che n’é niaciamò definitiva, arjunta tla Junta provinziala sön le calënder scolastich. "Ara se trata de n’intenüda che garantësc sides l’autonomia scolastica che l’armonisaziun dl calënder" à dit le Presidënt dla Provinzia Luis Durnwalder.

USP – La Jonta provinziela à (NCUEI) ai 5 de dezëmber dat pro l masterplan per l aeroport de Bulsan. L ie udù dant de adaté la lunghëza dl purtoi di julieres y la lerch de segurëza. Mplù dëssel unì pità trëi linies a priejes mesans cun mascins che respetea l ambient.