Comunicat stampa

USP – La Jonta provinziela à (NCUEI) ai 7 de nuvëmber anjenià la cundizions per na regulamentazion nueva dl finanziamënt turistich tres la lege finanziera. Te chësta lege an nce udù dant de jì de reviers ala vedla forma de finanziamënt di chemuns che dëssa giapé na cuota segura de 13,5 percënt.

USP – I presidënc dl cunsëi de aministrazion y dl cunsëi di revisores dla SEL, Klaus Stocker y Franz Pircher à (NCUEI) ai 7 de nuvëmber metù si ncëira a desposizion dla Jonta provinziela. Te n scrit ie unì fat al savëi ai assessëures provinziei che l diretëur generel Maximilian Rainer à damandà trëi mënsc de aspetativa nia paieda. “N iede ulons valuté la cunseguënzes y n lunesc che vën, ai 14 de nuvëmber ulons tò na dezijion” à detlarà Durnwalder.

USP - La Jonta provinziela à tëut a cunescënza la puscibltà de cumpré su la azions dl EDISON de 8 zentreles dal strom tl Südtirol. L presidënt Drunwalder à do l senteda (da NCUEI) dl 07 de nuvëmber rujenà de na ucajion unica per sëurantò dut l avëi de chësta zentreles. La sozietà SEL ie unida nciarieda de marciadé nce cun l’ENEL.

USP – „Berg Heil! Alpenverein und Bergsteigen von 1918-1945“ se tlama l liber che unirà prejentà ai 17 de nuvëmber a Bulsan. La Biblioteca provinziela Friedrich Teßmann y l Alpenverein Südtirol nvieia ala prejentazion che scumëncia dala ot da sëira.

USP – Danter S.Martin y Lungiarü él gnü portè a fin i laûrs por comedé la strada. Sön inciaria dl Assessorat provinzial ai laûrs publics él gnü slarié y splanè la strada por garantì na miù viabilité y sambëgn plü segurëza sön strada.

Ai 3 de nuvëmber 2011 ie morta Frida Piazza, una dla pionieres dla nrescida dla rujeneda ladina y na scritëura fina y inuvativa. L assessëur ladin Florian Mussner lecorda anda Frida y manda si cunduel a chëi de familia.

USP – Le mantignimënt di bëgns culturai ne n’é aladô dl Presidënt dla Provinzia nia ma n dovëi dl’aministraziun provinziala, mo dantadöt mëss ince les porsones privates avëi chësta convinziun. Cun chësc pinsier él gnü surandè (incö) ai 3 de novëmber tl Palaz Mercantil a Balsan 19 onoranzes. I assessurs Mussner, Kasslatter Mur y Berger à ince onorè döes families ladines: la familia Castlunger de Badia y la familia Ellecosta da San Martin.

USP- Bele de dezëmber dl 2010 él gnü arjigné le post de trasmisciun nü dla RAS sön Plan de Corones. Inier (ai 2 de novëmber) él gnü tut demez la vedla stangia dl’antëna. "A chësta moda él gnü fat c’iamò n vare cuntra la reduziun dla groaria por l’ambiënt", dij contënt l’assessur competënt por l’urbanistica Michl Laimer.

USP – La repartizion provinziela per familia y soziel recorda che nchin ala fin de dezëmber possen mo fé dumanda per cuntribuc regiunei per families. Per schivé de aspité, dëssa la dumandes unì dates ju pra i patronac pernan che la va.

USP – La Zentrela de viabltà dla Provinzia à (NCUEI) ai 3 de nuvëmber metù online la nueva plates web cun servijes nueves. Al adres www.provinzia.bz.it/verkehr vëniel publicà nfurmazions dl muvimënt sun streda nce te forma cartografica.