Comunicat stampa

USP – Tla provinzia de Bulsan iel vint chemuns che manacia de smendrì la populazion. La Jonta provinziela ie (ncuei) ai 11 de lugio stata a una de lascé lauré ora studi ti singuli raions per pudëi pona tò pruvedimënc cuncrec da valorisé chemuns critics. A chësta maniera iel unì dat pro i proscimi vares per l program “Südtirol 2021”.

USP – La Jonta provinziela à (ncuei) ai 11 de lugio dat pro a n cumpromis per ressolver la cuestion dl ngrandimënt dla tlinica Bonvicini a Bulsan, Gries. L dëssa me unì fat un partimënt leprò y de ndut manco cubatura nueva.

USP – Ntan l instà se gëura l Museum Ladin a ativiteies cultureles nce ora de si sënta tl Ciastel de Tor. Escuriscions tl parch naturel Puez Odles uni merdi, la jita tla Val di Murins de mierculdi, l domesdì per mëndri de juebia y l curs de ladin de vënderdi pieta a zitadins y families da tlo y fulestieres ucajion de mparé a cunëscer la particulariteies dla Ladinia tres spiegazions y prejentazions cumpetëntes.

USP - Cun l finé via di ejams de matura se stluj nce ju l ann de scola 2010-11. I assessëures provinziei ala scola Florian Mussner, Sabina Kasslatter Mur y Christian Tommasini prejenterà n vënderdi ai 15 de lugio per l prim iede deberieda y resultac di ejams dla scoles mesanes y scoles autes fajan nce n bilanz dl ann de scola.

USP – Sëires cun la butëighes daviertes dajerà nce ntan chësc instà plu vita a 32 luesc dl Südtirol. La scumenciadiva di buteghieres pieta aldò dl assessëur provinziel Widmann atratività y vitalità ai zëntri di luesc. Danter i luesc ladins à Corvara bele scumencià cun la prima sëira, n merdi ai 12 de lugio sarà S.Cristina l prim luech te Gherdëina a tenì la butëighes daviertes nce da sëira.

USP – L Cunsëi di Ministri a Roma à (ncuei) ai 7 de lugio azetà trëi normes de atuazion nueves. Ala senteda tl Palaz Chigi à nce tëut pert l presidënt dla Provinzia Luis Durnwalder. La normes nueves reverda i cuntroi dla Chëurt di Conc, l terzo cunselier de Stat dla provinzia de Bulsan y la cherta de identité nce per ladin ai zitadins dla frazions ladines de Ciastel.

USP – La Jonta provinziela à te si senteda da ncuei, 04 de lugio udù de bon uedl l’idea de co taché ite la scines a Pruca cun l toch nuef per ruvé permez al tunel dl Prëner. De nteres per la valedes ladines possa vester la cumiscion nueva sun cuestions de servitù pra purtoies dai schi. Dessot i tituli di autri argumënc.

USP – La Jonta Provinziela à numinà la cumiscion nueva per stritoc che reverda purtoies da schi. La cumiscion numineda (ncuei) ai 04 de lugio dëssa dantaprima judé a fé via a bones cuestions de servitù.

USP – La Jonta provinziela à dat pro la valutazions de scola auta dal 0 al 10. Per dé na puscibltà de se refé, à i assessëures provinziei (ncuei) ai 04 de lugio, cunsià de nia jì sot’ al 4.

USP – L furnel dal refudam a Bulsan dëssa unì finà per l 2013. Ntlëuta dëssa l strom y l ciaut unì nuzà aldò dla diretives che la Jonta provinziela à dat pro (ncuei) ai 04 de lugio.