Comunicat stampa

USP – La Jonta provinziela uel ti judé ai jëuni che chier n lëur per l instà. Dantaldut per jëuni tl’età dla scola auta ulëssen ti pité la puscibltà de fé n servisc sciche chël dl ann soziel.

USP – Sculeies dla scoles autes y privatisc’ ne ova nchinamò nia avisa la medema cundizions n cont di ejams. La Jonta provinziela à (ncuei) ai 30 de mei valivà chësta cundizions.

USP – Pra la cumpëida dla jënt che unirà fata de utober de chëst ann iel na nuvità n cont dla detlarazion dla grupa de rujeneda. La Jonta provinziela à dat pro i formuleres nueves n cont de chësta detlarazion.

USP – Per pudëi fé mulins dal vënt per la produzion de strom ova la Jonta provinziela metù dant criteries tleres. Truep chemuns che ie bele dëibli de strutures, ne arjonj nia chisc criteries y nsci vëniel cialà do pusciblteies per ti giaurì la streda nce a chisc chemuns.

USP – La cumpëida dla pitla mutans y di pitli mutons scric ite ala scolina dla trëi grupes de rujeneda ie cun 16.430 mëndri majera che la populazion de na valeda ladina. La Jonta provinziela à (ncuei) ai 30 de mei tëut la dezijion ulà che l muessa unì sarà vel sezion y ulache l ie debujën de nen giaurì mo leprò. Deguna mudazions ne iel debujën tla scolines ladines.

USP – Per pudëi sëurandé de mëndra ncëries tecniches a maniera plu scëmpla, à la Jonta provinziela nvià via n’acurdanza nueva. Prufescionisc’ che fej pea, possa unì cris ora dal’aministrazions publiches zënza fé uni iede n cuncors a pert.

USP – Davia che sun la costes dla Talia vëniel daniëura adalerch muciadives nueves, muessen nce fé cont che l ne n unirà do tla provinzia de Bulsan. La Jonta provinziela à (ncuei) ai 30 de mei tratà la pusciblteies nueves de ti dé albierch, pensan per prim a casermes uetes.

USP - La Biblioteca provinziala Teßmann y la ciasa edituria Athesia inviëia ala presentaziun liber „Wege zur Kunst“ de Sebastian Marseiler, ai 7 de jügn 2011 dales 8 da sëra ta Biblioteca provinziala a Balsan.

USP – Tl Museum Ladin Ciastel de Tor iel (ncuei) ai 27 de mei unì giaurì una dl’atrazions plu mpurtantes da chëst ann, la mostra sun la ferata de Gherdëina danter lecorc y vijions. 95 ani do che chësta ferata fova furneda l prim iede possen jì a ti cialé a modiei, documënc uriginei, video y passa 100 fotografies. Nchin ala fin de utober puderan tl Museum Ladin nce paredlé la vijions da ntlëuta cun proiec de na ferata al didancuei.

USP - Chëst ann d’autonn uniral tenì la cumpëida dla jënt per udëi tan de persones che viv te nosta provinzia y coche les ie partides su danter la grupes de rujeneda. L assessëur provinziel ladin nvieia culaburadëures di media a na sëira de nfurmazion y sensibilisazion n merdi, 31 de mei, dala 6 da sëira sun Jëuf de Frea.