Comunicat stampa
Biblioteches provinziales stlütes dai 25 ai 28 de merz
Trames döes les biblioteches provinziales da Balsan, la „Claudia Augusta“ y „Dr. Friedrich Teßmann“ lacia alsavëi che les biblioteches restará stlütes da en vëndres ai 25 cina en lönesc ai 28 de merz.
Nëi sön le Ju de Frara – Assessur Mussner: „Critiches ala misciun falada“
La tröpa nëi che é gnüda jö ai 5 de merz sön le Ju de Frara á porté a n caos sön strada. La Repartiziun Sorvisc Strades dla Provinzia é gnüda criticada de ester la gaujia de chësta situaziun. „Chëstes critiches ne á degöna fondamënta y vá cuntra l’ënt falé“, sotlignëia l’assessur Florian Mussner.
Frabiché alisiré: n valgönes novités
Aspetan la presentaziun dla lege de reforma nöia dl sistem dl frabiché alisiré dl assessur competënt Christian Tommasini jarál en forza ti proscims dis n valgönes mudaziuns dla normativa atuala y d’atres cun le 1 de jená dl 2017.
Contribuc por la sconanza dl paesaje, 2015 da record
Tratan le 2015 él gnü despartí fora tl Südtirol indöt 3,8 miliuns de euro por contribuc por intervënc de mantignimënt y de cura dl paesaje rural. Al se trata de na soma en aumënt conscidran l’andamënt di ultims 10 agn y por l’assessur Richard Theiner é chësc n „segnal important por la sconanza dla contrada tradizionala“.
De di museums dl Südtirol: incuntada ai 21 de merz
En lönesc ai 21 de merz vëgnel metü da jí por le dejimo iade le De di museums dl Südtirol: al é n’ocajiun importanta por düc i operadus y les operadësses dl setur por s’incunté y se baraté fora. L’assessur provinzial Florian Mussner dauriará le de al Messner Mountain Museum a Balsan dales 09.00 danmisdé.
Scolines: Ejams de idoneité da d’altonn 2016 inant
Cun l’ann de scolina 2016/17 gnarál scrit fora de plü concursc por le personal didatich y pedagogich dles scolines dles trëi Intendënzes. Chësc é gnü stabilí inier, ai 15 de merz, dala Junta provinziala sön proposta dl’assessuria por le personal Waltraud Deeg.
Dala Junta: scombatimënt ala dependënza dal jüch, criters nüs
La Junta provinziala á mudé incö, ai 15 de merz, i criters por la conzesciun de contribuc tl setur dl scombatimënt ala dependënza dal jüch. La continuité tl’ativité de prevenziun é la basa por l’aprovaziun di contribuc preodüs por proiec de plü agn.
Dala Junta: 11 profii de profesciun nüs por le lernerat
Dal florist, al moler, al tlomper y ai istaladus:sön proposta dl assessur Philipp Achammer á la Junta provinziala aprové incö (ai 15 de merz) i ordinamënc formatifs por 11 profesciuns dl lernerat cun cualifica y diplom profescional.
Dala Junta: ok al program de IDM, finanziamënt da 30 miliuns
La Junta provinziala á aprové le program de ativités por le 2016 de IDM Südtirol, la sozieté nasciüda dala fujiun de SMG, EOS, TIS y BLS, y che á l’obietif da sostigní la competitivité, l’inovaziun, l’export y da promöie i produc südtirolej. Le budget complessif por le 2016 é de indöt 30 miliuns de euro.
Dala Junta: aproades les diretives nöies por le trasport de paziënc
La Junta provinziala á aproé incö (ai 15/03) les diretives por le trasport tlamé „secondar“ di paziënc: te chësta manira vëgnel stlüt na locia legislativa y regolamenté le trasport de chi paziënc che mëss gní spostá te n’atra strotöra sanitara por avëi les cures che ti speta.