Comunicat stampa

A Rina vëgnel fat la terza pert di laûrs dla strada nöia. Do che les prömes perts é bele gnüdes fates, sarà chësc l’ultimo majer laûr por arjigné ca na miù strada da ti rové pormez a Rina. Por odëi personalmënter coche i laûrs va inant, vijitëia l’assessur provinzial Florian Mussner en lönesc, ai 19 d’agost le cantier a Rina. Inće i colaboradus di media é invià a chësta vijita cun presentaziun di laûrs.

Per n vënderdi dl’ena che vën, ai 16 de agost nvieia l presidënt dla Provinzia Luis Durnwalder i culaburadëures di media a n’ancunteda te si cësa a Falzes. L presidënt dla Provinzia fajerà n bilanz dl ultimo mez ann y cialerà danora ai mpënies n cont de crisa economica y svilup dl’Autonomia. La cunferënza stampa da instà da chëst ann ie l’ultima de Dunrwalder sciche presidënt dla Provinzia.

En vëndres, ai 9 d’agost jarà inant la linia de mostres artistiches da d’isté tl Istitut Ladin Micurà de Rü cun la daurida dla mostra “Por le momënt nia da abiné“. Te chësta terza esposiziun dla linia de mostres a San Martin de Tor saràl da odëi les operes artistiches de Fabian Feichter.

L internet aslune à arjont Al Plan de Mareo. Te na culaburazion danter Provinzia, RAS y la sozietà dla furnadoies de Al Plan iel stat mesun ruvé cun i cabli de fibra otica nchin pra la zentrela dal telefonn. La Telecom à bele fat si pert di lëures y te diesc dis puderala dé ora i cuntrac. L taché ite de Al Plan ala rë de internet aslune ie unì prejentà (NCUEI) ai 6 de agost dal assessëur Florian Mussner.

L’acurdanza sotscrita (NSNUET), ai 5 de agost a Bulsan dal presidënt di ministri Enrico Letta ie aldò de Durnwalder n sëni de crëta per na pitla realtà. La mostra su la streda dla culaburazion danter Bulsan y Roma, metan dant obietives per n tëmp plu curt y n tëmp mesan: dala cumiscions per l’autonomia nchin a na regulamentazion nueva dla finanzes.

La RAI ladina, stieres per i ladins, l mantenimënt y ressanamënt (energetich) mpede frabiché da nuef, la mpurtanza strategica dl internet aslune, miëur priejes dl strom, la ublianza de Cësa tlima “A” y Saslonch - Sela tl arpejon Dolomites Unesco ie stai argumënc che l assessëur Florian Mussner à purtà dant te si bilanz de legislatura ai 5 de agost a Urtijëi.

La politica dl’energia ie de plu che la SEL, l vën laurà per pité miëur priejes dl strom y la ublianza de Cësa tlima “A” per frabiches nueves, muessa mo unì penseda sëura: chësc à l assessëur Florian Mussner stlarì te si ancunteda cun jurnalisć’ (NCUEI) ai 05 de agost a Urtijëi. L assessëur se damanda che l ne vënie nia me tëut su la grupa dl Saslonch, ma nce la grupa dl Sela tl raion recunesciù dal Unesco.

Sibe pra la stredes, che pra la scoles, cëses publiches o spediei: l assessorat ai lëures publics senterà tl daunì de plu sun l mantenimënt y l ressanamënt (energetich). L lëur de majera mpurtanza strategica, nsci l assessëur Florian Mussner (NCUEI) pra si ancunteda ala fin de legislatura cun jurnalisc, ie l ngrandimënt dla rë de internet aslune. Nchin ala fin dl 2013 arà la Provinzia arjont duc i chemuns cun la fibra otica.

La RAI ladina, stieres per i jëuni de nosta valedes y la posizion dla scola y cultura ladina ie stai i argumënc prinzipei, de nteres ladin, che l assessëur Florian Mussner à tratà te si ancunteda cun i jurnalisć (NCUEI) ai 05 de agost a Urtijëi.

Mo dan che l tëmp de legislatura 2008-13 va a piz, tën l assessëur provinziel ladin Florian Mussner n’acunteda cun i jurnalisć per fé n bilanz di ultimi cin ani. Pra l’acunteda tla Cësa di studënc a Urtijëi uniral rujenà i majeri agrumënc te si ciamp de cumpetënza y nce cialà danora.