Comunicat stampa

L istitut provinziel de statistica Astat à nrescì che l fit global (TAEG) per n mprëst ipotecher à arjont l 7,3%, chësc tl cajo dl fit variabl y nce dl fit segur. La pert a risich di scioldi che la baches da tlo à mo da giapè de reviers ie de 2,3%, chësc ie n sëni positif per la segurëza dl sistem bancher tla Provinzia de Bulsan.

USP – La Jonta provinziela de Bulsan ti uel judé al’economia da tlo cialan che i scioldi dl fond dla pensions vënie adurvei per stizé l’economia da tlo. L presidënt dla Jonta cherderà ite na senteda cun la banches da tlo y l Fond de pension suplementer. Chësc ie stat un di ponc prinzipei che l presidënt Durnwalder à prejentà ncuei (prim dezëmber), do la senteda dla Jonta.

USP - La nëif dl’ultima nuet y dla prima ëures de ncuei daduman (prim dezëmber) à purtà de majeri problems tl Südtiriol. De plu luesc ie restei zënza strom, zënza telefonn y zënza trasport publich. I jëufs ntëur l Sela ie sarei, scenò ne iel feter degun problems de viabilità tla Val Badia y te Gherdëina.

USP – Cun na publicazion nueva de materiai per la scoles uelen cuntribuì a ti dé na majera denità culturela ala lijëndes ladines. La Ntendënza per la Scoles Ladines dla Provinzia de Bulsan, deberieda cun la Lia culturela Fanes y la Cumunanza Ladina a Bulsan à prejentà n liber nuef dal titul “Lijëndes y cianties” che unirà spartì tla scoles de Gherdëina y Badia.

USP – Per via de lëures vën l tunel dla zircunvalazion de Burnech sarà duman (merdi ai 2). L muvimënt di auti puderà inò passé n juebia ai 4 de dezëmber.

USP - Feter 2.000 persones se à da dezëmber 2006 nchin a ncuei nuzà dl telefonn per genitores. De plu umans che no peresc d’unì età à cherdà su. “Chësc servisc de cunsulënza che ne ie nia da paië, vën pità per ti dé riesc n aiut n cont de tré su mutons” à ncuei (28 nuvëmber) dit l’assessëura Sabina Kasslatter Mur.

USP – La nueva cunsulta provinziela ladina di jëuni à nsëira (27 nuvëmber) lità Patrick Stuflesser a presidënt. L assessëur provinziel ladin Florian Mussner deberieda cun Klaus Notdurfter y Wilma Runggaldier dl Ufize di jëuni, à laudà la ueia de fé di undesc cumëmbri. Cun la senteda costituënta tl Kassianeum a Persenon iel bel unì fat n prim var de bona culaburazion a bën dla junëza tla valedes ladines.

USP – La Jonta provinziela de Bulsan à dat pro la carateristiches tecniches di lëures de miuramënt dla streda a La Val. Danter Pidro y la frazion Lé uniral slargià la streda, miurà la raides y mplu uniral nce fat n tretuar. “Chësc lëur purterà plu visibilità a chëi che furnea y plu segurëza a chëi che va a pe” spiega l assessëur Florian Mussner.

USP - L Ntendënza per la Scoles Ladines, deberieda cun la Lia Culturela Fanes y la Consulta Ladina a Bulsan prejenta na publicazion nueva de materiai per la scoles dal titul “Lijëndes y cianties”.

USP - Cun l segondo fin dl’ena de dezëmber va n drova i orars nueves da d’inviern per l trasport publich dla Provinzia de Bulsan. L assessëur Thomas Widmann à prejentà la nuviteies cun danora la ferata nueva tla val de Puster. I fins de Widmann per l daunì ie de plu stabilità di orars y uni mes’ëura n trasport ntan i mumënc de majer bujën.