Comunicat stampa

USP – L majer puent dla streda nueva de zircunvalazion de S. Cristina à ncuei, (12 de nuvëmber) giapà forma. L ie unì metù su l ultima pert dla gran scines de fier, sun chëles che passerà i prim 72 metri dla streda nueva per astilé ora S. Cristina. “I lëures ie drët a n bon pont y tosc ne messerà la jënt de S. Cristina nia plu purté l pëis dla gran muvimënt de auti tres l luech” à spiegà l assessëur Florian Mussner.

USP – Per l vënder ora prudoc tla butëighes, vel da doduman mierculdi 12 de nuvëmber regules nueves. Sun pruposta dl assessëur al cumerz Werner Frick iel unì mudà la normes de atuazion dla lege cumerziela. “L fin ie stat chël de scemplifiché y tò demez burocrazia, cossa che ti va a bën di buteghieres y di tlienc” spiega l assessëur Frick.

USP- Tan granda che possa vester na veranda, paiamënc per maestri, aiuc per l’Uganda, fé dan nuef la patent, agenzia de mubilità y azions dla Brennercom; chisc ie stai i argumënc zentrei che la Jonta provinziela de Bulsan à tratà ncuei (10 de nuvëmber) te si senteda. L presidënt Luis Drunwalder à prejentà i argumënc de majer ntres.

USP – Tl liber "Miteinander-Insieme-Deboriada" vëniel prejentà poejies, rimes, cianties, juesc y cuntedes tla trëi rujenedes dl Südtirol. Chësta publicazion per la scolines dla trëi grupes de rujeneda ie nasciuda da na culaburazion di trëi istituc pedagogics. L liber cun doi CD vën prejentà n juebia 13 de nuvëmber a Bulsan.

USP – La zircunvalazion nueva de S. Cristina giapa forma: do che n à batù tres tramedoi tuniei y trëi puenc ie bele metui su, vëniel chisc dis fat l lëur che dà plu al uedl. Cun n gran cran vëniel auzà su de gran scines de fier per mëter su l majer puent. Cun chësc puent de 72 metri de lunghëza vëniel fat l’ultimo majer lëur dla streda nueva.

USP - La lege provinziela sun l frabiché alesirà che l Guviern provinziel à purtà inant y che ie jita tres tl’ultima senteda dl Cunsëi provinziel, jirà duman, mierculdi 5 de nuvëmber n drova. La reforma (lege dl 13 de utober 2008, nr 9) porta na lingia de nuviteies.

USP – Cun n cunzert geologich vëniel tla Val Badia lecurdà i 30 ani da canche l ie unì metù su l parch naturel Puez-Odles. “Le liber de storia dl monn” ie l titul de chësta sëira che unirà tenida n vënderdi ai 7 de nuvëmber tla Cësa Jan Batista Runcher a S.Linert de Badia. Na segonda reprejentazion uniral mo fat n dumënia 16 de nuvëmber tla Cësa Tita Alton de Colfosch.

USP – 72 milion de Euro unirà spendù nchin tl 2013 tl Südtirol tres l program europeich per refurzé la competititvità. L Presidënt dla Provinzia Luis Drunwalder à ncuei, 4 de nuvëmber prejentà deberieda cun esperc, l program europeich. L ie nce unì cialà de reviers al prim cuncors y dat nfurmazion sun l segondo proiet che ie unì scrit ora.

USP – Chi che adrova si handy me per cherdé su dëssa savëi che l adrova me na pitla pert dl potenzial de si aparat. Ce pusciblteies che n à zënza mo cun l handy, vëniel mustrà te n curs dl Ufize provinziel per media audiovisuei ai 25 de nuvëmber. N possa bele sën se lascé nuté su.

USP – Chi che chier fotos storiches per mostres, croniches, libri dl luech o publicazions iubilares possa nrescì ulà les abine. Te n curs dl Ufize provinziel per media audiovisuei vëniel prejentà na sëuravijion dla fotos storics ti archifs y museums dl Südtirol. La iscrizions a l curs debant, ie bele daviertes.