Comunicat stampa

USP - N cheder dla pusciblteies de furmazion per la nseniantes y maestres dl daunì, ma nce n cheder di proiec de nrescida dla catedra nueva de ladinistica uel l Assessëur Ladin Florian Mussner se fé n venërdi, ai prim de juni 2007. Domesdi va l Assessëur a crì la Repartizion ladina dla Facultà de scienzes dla furmazion dla Università liedia de Bulsan a Persenon.

LPA - Maestri che à ntenzion de se scrì ite l proscimo ann de scola tla graduatoria dla scoles elementeres, mesanes o autes de Gherdëina y dla Val Badia possa de jù la dumanda nchin ai 14 de juni 2007.

USP - L’Ufize cultura y scora ladina dla Provinzia Autonoma de Balsan-Südtirol lascia al savëi che al è gnü bandì la secunda ediziun dl concurs a pesc “Auturs ladins scrì …”.

USP - Ntan na escurscion tla Val Badia à i studënc da oradecà dl’università de Bulsan pudù se fé n prim cheder sun la cultura ladina. La jita ie unida sustenida dal Assessorat ala Cultura Ladina. Cuntribuì al program culturel à l Museum ladin, l Istitut Micurà de Rü y la Repartizion ladina dl’università.

Ai 16.05.2007 dala 15 iel stat tla sënta dla Ntendënza Ladina a Bulsan, la premiazion dl cuncors de leteratura per sculeies “Mi identità – nosta identità” , metù a jì dala Ntendënza per la scoles ladines adum cun l Istitut Pedagogich Ladin, la Union Generela di Ladins dla Dolomites y i trëi Istituc Ladins de S. Martin, Vich y Col de S. Lizia.

USP - Tl liber dal titul “Cultura Ladina” à Lois Ellecosta, nciarià dala Ntendënza Ladina, scrit truep sun la Cultura di Ladins dla Dolomites. La publicazion vën prejenteda ai 16 de mei 2007 tla Ntendënza Ladina a Bulsan. Dan la prejentazion sëurandà l Ntendënt Roland Verra i pes ai mutons y ala mutans che à venciù pra l cuncors de leteratura.

L’ultimo toch dl tunel “Punt de Fer”, dla varianta dla strada statala dla Val Badia (SS244), tl chilometer 23,1, é gnü sbujé sön le tert domisdé, incö ai 03 de mà. Presënt ê l’Assessur por i laûrs publics Florian Mussner.

Daksy, le tass, acompagnarà da sëgn inant i mituns de Südtirol fora por i parcs naturai. An pò jì a ciafè la mascota tla plata web www.provinz.bz.it/daksy y tl sföi por mituns. Chëstes novitês é gnüdes presentades incö dal Assessur por l’ambiënt Michl Laimer.

6729 scolars dala terza tlassa dla scora elementara cina ala tlassa de maturité à tut pert al concurs “I cangurs dla matematica”. I intendënc’ Peter Höllrigl y Roland Verra à premié incö, ai 3 de mà, i mius scolars de matematica de Südtirol.

USP - N ucajion di 23 de auril 2007, Di nternaziunel dl Liber, sotrissea l assessëur per la Cultura y Scola ladina la mpurtanza dl liber per dé inant savëi, esperienzes desvalives y cultura. “I libri à la funzion de mantenì y arichì la cultura y rujeneda ladina” chësc auza ora l assessëur Florian Mussner che nvieia duta la populazion y dantaldut i jëuni a tò plu suvënz tla mans n bon liber.