Comunicat stampa
Museum Ladin: program por les families de lugio y agost
Ti mëisc da d’isté, tratan che i geniturs vijitëia pazificamënter le Museum Ladin Ciastel de Tor a San Martin de Tor po les mitans y i mituns imparè a conësce le Museum te na manira plü adatada a ëi. La pröma vijita organisada por families tl Museum Ladin gnarà tignida en jöbia, ai 7 de lugio.
Le Museum Ladin organisëia escursciuns tla Val di Morins
Tratan l’isté mët a jì le Museum Ladin Ciastel de Tor a San Martin de Tor escursciuns acompagnades tla Val di Morins. La pröma escursciun gnarà metüda a jì en mercui, ai 29 de jügn.
Retrospetiva de Otto Irsara tl Museum Ladin
USP - Les operes dl scultur ladin Otto Irsara da La Ila sarà da odëi tratan les edemes che vëgn tl Museum Ladin Ciastel de Tor a San Martin de Tor. Pro la inauguraziun dla mostra en vëndres, ai 24 de jügn saràl ince presënt l’assessur ala cultura ladina Florian Mussner.
Na frabica nueva per l Istitut Tecnich Cumerziel y per la Scola d’Ert Prufescionela a Urtijëi
USP – L Istitut Tecnich Cumerziel (ITC) “Raetia” y la Scola d’Ert Prufescionela Provinziela dëssa unì nluegedes te na frabica sun la spersa dl ITC. A chësta dezijion ie unic ncuei ai 14 de juni l Assessëur provinziel per i lëures publics, Florian Mussner, l Diretëur de departimënt Josef March, l’Assessëura cumenela Elisabeth Baur, i Diretëures de scola Otto Moling y Julius Senoner, l Ntendënt per la Scoles Ladines Roland Verra y l Diretëur de Repartizion Alexander Prinoth. Mo tl scumenciamënt de juni dl 2006 dëssel unì metù man cun l frabiché dla scola nueva.
Fé cunëscer la rujeneda y cultura ladina tla scoles
LPA - USP - L ie for plu suvënz che scoles de rujeneda tudëscia o taliana se damanda material de nfurmazion sun la storia, cultura, usanzes y la rujeneda ladina. A chësta maniera à l assessëur ladin Florian Mussner nciarià l Istitut Pedagogich Ladin (IPL) de lauré ora n cunzet per material didatich per la scoles tudësces y talianes sun la cultura ladina. “Tres chësc cunzet giapa sculeies dl’autra grupes de rujeneda l’ucajion de mparé a cunëscer miec la grupa de rujeneda ladina cun si storia, cutura y rujeneda” sorissea l assessëur. Acioche l vënie nce laurá dl dre vieres, à l IPL fat na nrescida pra la scoles mesanes de rujeneda tudëscia y taliana.
Bëgnstè por la realisaziun de n convit a Urtijëi
USP - Danter ater à la Comisciun tecnica aprovè inier, lönesc ai 6 de jügn le proiet dl’aministraziun provinziala de fà sö n convit por scolares y scolars a Urtijëi.
Posc' de laûr tles scolines ladines por l'ann de scolina 2005/06
USP - I posc’ de laûr tles scolines ladines ales maestres y assistëntes che é sön la graduatoria provinziala por l’ann de scolina 2005/06 vëgn dà ia en jöbia, ai 9 de jügn a Urtijëi.
Premiaziun dl foliet dl Istitut tecnich comerzial da Urtijëi da pert dla Ciamena di jornalisc a Roma
USP - La Ciamena di jornalisc nazionala a Roma ti à spôrt n gran lalt al Istitut tecnich comerzial „Raetia“ da Urtijëi por so foliet scolastich „Orange Juice“ metü adöm te na manira ejemplara. N valgügn scolars y insegnanc dl comitê de redaziun à podü pié do ai 24 de mà a Roma n pest da pert de Lorenzo Del Boca, presidënt dla Ciamena di jornalisc nazionala. Le foliet plajor y interessant tëgn ajornà plü iadi al ann la comunité scolastica, mo sambëgn ince i geniturs y d’ atri jogn sön tematiches che reverda la scora, le sport, proiec, tendënzes y en general argomënc por la jonëza.
Dezijiuns dla IIª Comisciun provinziala por la sconanza dla contrada
USP - Chësta edema à la IIª Comisciun provinziala por la sconanza dla contrada cun a ce Adriano Oggiano dè so bëgnstè por la realisaziun dla pista “Dantercepies – Panorama” tl comun de Sëlva. Sciuré zoruch é indere gnü le proiet de realisaziun de na pista sön „Ciampinoi“ te Sëlva.
Premiaziun di mius laûrs de scolares y scolars pro le concurs „Lì...por devertimënt“
USP - N gröm de scolares y scolars talians y ladins à tut pert al concurs pro le proiet „Lì…por devertimënt“. I mius laûrs gnarà premià en vëndres, ai 27 de mà 2005 tla scora dl comerz „Claudia De Medici“ a Balsan dal’assessuria provinziala Luisa Gnecchi.