Atualità
-
Cursc per ruvé pra na stiera da nseniant
Aldò de na norma nueva possa nsenianc dla scoles elementeres, mesanes y autes che à bele nsenià trëi ani fé pea n curs speziel a na maniera da giapé l’abilitazion a nsenië. La dumandes per i cursc che reverda la scoles ladines muessa unì dates ju nchin ai 25 de setëmber.
-
Ai 3 de setëmber iel l “Di dla Scola Ladina” a Urtijëi
Dan che scumëncia l ann de scola nuef, se anconta i respunsabli y culaburadëures dla scoles ladines n merdi che vën, ai 3 de setëmber per n danmesdì de ajurnamënt y de cuntat danter valedes ladines. L Di dla Scola Ladina vën chëst ann tenì tla scola elementera de Urtijëi. Chësc di de cunferënza unirà giaurì cun rujenedes dl assessëur ladin Mussner y dl ntendënt Verra. Ntan chësc danmesdì puderà duc i nteressei nce audì n referat sun la funzion dla valutazions di sculeies.
-
Ai 23 d’agost deura “Na vita por l’ert” tl Istitut Ladin
En vëndres, ai 23 d’agost jaràl inant la linia de mostres artistiches da d’isté tl Istitut Ladin Micurà de Rü cun la daurida dla mostra “Na vita por l’ert”. Te chësta cuarta esposiziun dla linia de mostres a San Martin de Tor saràl da odëi creaziuns artistiches de Lois Irsara.
-
Ai 9 d’agost deura “Por le momënt nia da abiné“ tl Istitut Ladin
En vëndres, ai 9 d’agost jarà inant la linia de mostres artistiches da d’isté tl Istitut Ladin Micurà de Rü cun la daurida dla mostra “Por le momënt nia da abiné“. Te chësta terza esposiziun dla linia de mostres a San Martin de Tor saràl da odëi les operes artistiches de Fabian Feichter.
-
Ai 26 de messè deura “Nubi” tl Istitut Ladin
En vëndres, ai 26 de messè jaràl inant la linia de mostres artistiches da d’isté tl Istitut Ladin Micurà de Rü cun la daurida dla mostra “Nubi”. Te chësta secunda esposizion a San Martin de Tor saràl da odëi espresciuns artistiches de Giancarlo Lamonaca.
-
La Trienala Ladina y pest de scoltöra Agreiter coliëia les diversitês
La Trienala Ladina – mostra d’ert coletiva ladina importanta - y le Pest artistich de scoltöra Richard Agreiter 2013 é gnüs presentà incö, ai 17 de lugio, te na conferënza stampa a Balsan cun la partezipaziun dl assessur Mussner. Le titul dl’ediziun de chësc ann, curada da Alfredo Cramerotti, é "Caos y Ordinn". Le Pest Agreiter ti va al artist Andreas Zingerle.
-
346 jëuni à finà la scoles ladines cun l bonus dla rujenedes
285 sculeies à chësta ann finà la scola mesana ti luesc ladins y possa śën jì la streda furmativa che i se à cris ora. De chëi che à cris ora na scola auta paritetica ladina, nen iel chëst ann 61 ie passei ejam de matura. L sistem scolastich ladin cun l nseniamënt de plu rujenedes se mostra tla situazion economica atuela for de majer valor: chësc ie unì sorissà (NCUEI) ai 12 de lugio tla cunferënza stampa per la fin dl ann de scola.
-
De plu nseniamënt dla segonda rujeneda nce tla scoles tudësces
L nseniamënt dla segonda rujeneda dëssa unì ntensificà tla scoles tudësces cun programs aposta y cun la maniera de nseniamënt CLIL. La Jonta provinziela à (NCUEI) ai 08 de lugio dat pro chësc var che ie bele unì fat tla scoles talianes y ladines sorissan l respet dl Statut d’Autonomia. Tla scoles autes ladines an bele fat prima esperienzes de traté vel tematica per nglëisc.
-
Mostra “Teramënter” ai 12 de lugio tl Istitut Ladin
Cun la daurida de “Teramënter” scomëncia en vëndres, ai 12 de lugio na linia de cin mostres artistiches da d’isté tl Istitut Ladin Micurà de Rü a San Martin de Tor y öna tla sala dla Lia Mostra d’ert a Urtijëi. Pro la pröma mostra él da odëi laûrs de Irina Tavella y Roberto Pallestrong.
-
12 lugio: rendicont deberieda per la fin dl ann de scola
L ann de scola 2012/13 fina chisc dis nce via per i candidac dl ejam de matura. I assessëures provinziei ala scola Mussner, Kasslatter Mur y Tommasini fajerà deberieda cun i ntendënc n rendicont dl ann de scola.
