Comunicat stampa

Dal mëis de ma dl 2014 él atif le numer vërt 800 001 800 tres chël che porsones atempades che é vitimes de violënza (mo ince por testimoni de violënza) pó damané aiüt. Dan l’aniversar dl Dé mondial cuntra la violënza sön porsones atempades á l’assessuria Martha Stocker fat n ressüme dl pröm ann do l’ativaziun dl numer.

Les strategies por l’ampliamënt dla banda leria y dl coliamënt internet asvelt é stades les tematiches prinzipales dl’incuntada da incö (11 de jügn) a Roma danter l’assessuria Waltraud Deeg y la Ministra por le svilup economich Federica Guidi. „La banda lëria é n’infrastrotöra fondamentala por la chersciüda dl teritore“, á sotligné Deeg.

En mercui, ai 17 de jügn gnarál surandé dales 14.00 domisdé (y nia sciöche anunzié denant dales 09.00) indöt 30 posć tles scolines ladines por le proscim ann de scolina. Les maestres che é tles gradatöres por trasferimënc y por inciaries a tëmp determiné é inviades da se presenté tla direziun dles scolines da Piculin.

L’ediziun nöia dl Pest Euregio por l’ambiënt 2015, le concurs sön l’ambiënt y sön la sostenibilité, vëgn planifiché danter l’ater dal Assessorat provinzial por l’ambiënt y é ponsé por döt le raiun dl’Euregio Tirol-Südtirol-Trentin. Les documentaziuns mëss gní dades jö cina ai 16 d’otober.

Al á inom #DOLOMITI2040 y al é n percurs de debatüdes por se confronté sön le svilup dla gestiun dl teritore dles Dolomites patrimone UNESCO y sön la strategia de n turism sostenibl. Le pröm workshop é gnü tigní chisc dis a Badia, la proscima incuntada sará indoman ai 12 de jügn a Welschnofen/Nova Levante.

Le Minister por les infrastrotöres y le trasport Graziano Delrio á incunté incö danmisdé (10/06) a Roma i presidënc dles provinzies autonomes da Balsan Arno Kompatscher y da Trënt Ugo Rossi. L’incuntada é stada ütla por analisé la tematica dla conzesciun dl’A22 y les domandes gnüdes dala Comisciun europeica por ci che reverda la prorogaziun dl’autostrada dl Prener.

Le zënter jonil Kassianeum da Porsenú y la scora de musiga da Bornech rovará te frabicac provinziai. La junta provinziala á tut incö (ai 9 de jügn) chësta dezijiun sön proposta dl assessur Florian Mussner y á aprové les conzesciuns.

L’ampliamënt dla rëi dla banda leria: chësta sará la tematica tl zënter de n’incuntada en program indoman (ai 11 de jügn) a Roma danter l’assessuria provinziala Waltraud Deeg y la Ministra por le svilup economich Federica Guidi. L’assessuria gnará acompagnada dal deputat ladin Daniel Alfreider.

Le fonds metü sö cun la retüda de na pert dles ponsiuns di ex aconsiadus regionai portará pro a sostigní sides les families che le laur. La junta provinziala á aprové inier (ai 9 de jügn) na seria de proiec, che ti messará sëgn gní sotmetüs ala Regiun, por indöt 1,9 miliuns de euro: al salta al edl le contribut por l’aspetativa di peri.

Cun la fin dl ann scolastich vëgnel ince ajorné i orars di mesi dl trasport publich. Por podëi ti jí adincuntra a na presënza plü grana de passajiers sön les trates che porta a traverc de escurjiuns gnarál aumenté dai 21 de jügn i mesi de trasport publich tratan les ores de aorela cörta y ti fins dl’edema. De plü é ince les novités por les valades ladines.