Comunicat stampa

Usp – Dla Dolomites y la cater stredes di jëufs te chësc raion se tratovla pra l’ancunteda de n merdi 23 de merz a Bulsan danter l assessëur Florian Mussner, l presidënt dla Provinzia de Belun Oscar Di Bona, l assessëur al muvimënt sun streda de Trënt Silvano Grisenti y rapresentanc di chemuns y dl ciamp turistich. La Dolomites ne dëssa nia deventé n museum gratis cun stredes da transit, foven a una. L di per chëi dala rodes dle lugio, ulache la stredes di jëuf unirà dsaredes ai mesuns a motor, dëssa simbolicamënter sorissé l valor dla Dolomites y de si natura.

Cun l ngrandimënt dla utia sun Piz Setëur tl Chemun de Sëlva y n mplant da sprizé ega a Latzfons y Feldthurns se à ncuei merdi dat ju la Sgonda cumiscion per la defendura dl’ambient te si senteda a Bulsan. Per l ngrandimënt tla utia sun Piz Setëur ne iel nia unì dat l bënsté. A n valguna cundizions se à la cumiscion desmustrà a una per i mplanc da sprizé ega.

USP – L diretëur dla scola auta Raetia de Urtijëi, Alexander Prinoth ie l diretëur nuef dla ripartizion per scola y cultura ladina. Prinoth à venciù l cuncors publich y ie inier lunesc unì numinà dal Guviern Provinziel diretëur de ripartizion nuef.

Usp – Do che n mierculdi de chëst’ ena ie unì jù na pitla smueia sun la streda dla Val Badia, iela da sën, vënderdi nchin ala 21.00 y pona duman sada uni di dala 6.30 da duman nchin ala 21.00 inò davierta ai auti.

Da ncuei, vënderdi, ie la nfurmazions di chemuns sun l turism te Südtirol da pudëi cialé do tl internet sota www.provinz.bz.it/astat. Nfrumazions sun la capazità de albierch mostra sù l marcià turistich dl Südtirol aldò dla ufierta. La statistica sun la cumpëida de nuetes y de tanc che ie ruvei te nosc raions per fé feries mostra pona nce su la dumanda turistica. Aldò dl’analisa fata possen cialé do l’intensità de albierch ti raions dla Dolomites, Bulsan-Maran, y sota Bulsan jù. L vën nchinamei mustà sù l aumënt turisrich alpin permez al ann 1990.

,´3Y? muvimënt sun la stredes di jëufs dla Dolomites ntëur l Sela sarà n merdi ai 23 de merz mo n iede tl zënter dl nteres. L assessëur Florian Mussner se anconta cun i assessëures per l muvimënt sun streda dla provinzies de Trënt y Belun.

L’età media di peresc pra la nascita dl fantulin fova l ann 1985 pra 31,9 ani. Tl’ann 2002 se à chësta media auzà a 34,4 ani. Nsci i resultac dl ASTAT. Nce la cumpëida di peresc che tira su i mutons dassëui ie aumenteda dassënn: tl ann 1990 nen fovel mo 3.149, dodesc ani plu tert iel bele unì cumpedà 5.070 de tei caji. 40,7% di peresc rejona cun i mutons de decisions mpurtantes sun d’ëi y ruva nce pra na soluzion. 34,1% lascia to la decijion ai mutons.

Tl’ena danter l 22.03.2004 nchin ai 26.03.2004 tenirà i culaburadëures di ufizies provinziei per l artejanat udienzes tla sëntes destachedes.

Pra l censimënt 2001 iel nudt unì cumpedà 381.284 persones che ie tl’età de lëur sëura i 15 ani y che vif tl Südtirol. 53,5% à detlarà de lauré, 2,3% fova zënza lëur y 44,2% tucova pra chëi che ne lëura nia. De chëi che ova n lëur fova 66,5% tl ciamp di servijes, 25,8% tla produzion y 7,7% tl lëur da paur. Plu de na terza pert lëura 40 ëures al’ena y passa l 60% lëura 40 o 41 ëura al’ena. La majera grupa de chëi che ne lëura nia fova chëi n pension (47,5%), chëi che fej lëures de cësa (30,2%) y sculeies o studënc (15,2%).

Usp – L Servisc de Furmazion de Gherdëina, dl Istitut Culturel Ladin „Micurà de Rü“, mët a ji per l’ansciuda de plu cursc de ladin. Sibe prinzipianc che nce de tei che ie bele plu inant possa se lascé nuté su per i cursc che unirà tenii a Urtijëi y te Sëlva.