Comunicat stampa

OSP - La streda dla Val Badia (SS 244) restera davierta da n vënderdi 31de utober nchin a n lunesc da duman ai 3 de utober. Nsci vëniel fat ala savëi dal Servisc Provinziel per l muvimënt sun streda.

OSP - La sgonda Cumiscion Provinziela per la scunanza dla cuntreda à dat pro de plu proiec. Danter chisc i lëures de miuramënt per l bivach pra l troi dl Tirol a Moos tl Passeier, na varianta per la streda dala rodes a Vintl y l purtoi da podejé a Mareo. La cumiscin ne à nia abù da di truep sun l lascé ju material tl Chemun de Innichen.

OSP - Ala comunicazion dl Presidënt Luis Durnwalder dl lunesc domesdi ne iel nia plu unì fat mudazions. I 35 mandac tl Cunsëi Provinziel de Bulsan ie bele definitives.

OSP- Bën 82,46% di litadëures ie chëst ann jic a lité l Cunsëi Provinziel de Bulsan. Permez ala veles dan cin ani ie l’afluenza jita zruch dl 3,3 percënt. L Presidënt dla Provinzia Durnwalder se à te na prima reazion mustrà dassenn cuntënt dla partezipazion.

OSP- Sëura duta la Provinzia ie nchin la 11 danmesdì l 21,2 percënt di litadëures jic a lité per l cunsëi provinziel de Bulsan.

OSP – Chi che uel nsenië jù lerneri tl Südtirol, adrova nce tl daunì l’autorisazion. Nsci vëniel fat al savëi dal Assessorat per l nsenieamënt di lerneri y per la furmazion di mostri.

OSP – L Südtirol se bat tres pra la cumiscion dl EU. La direzion di marceies nteranziunei ne jirà nia contra la marca „Südtirol“. Bele plu mënsc iel unì pustejà cun i nciariei dl’EU, ncuei juebia ai 23 à l Assessëur per l’Economia giapà la parola dl diretëur dla cumiscion europea per i marceies nternaziunei Guido Berardis. La marca „Südtirol“ pudrà nsci nce unida adurveda tl daunì.

OSP - La cualità de vita per la jënt de Pruca ie da ncuei ino mieura. Cun la giaurida ai auti dl tunel nuef da pert dl Presidënt dla Provinzia y dl Assessëur ai Lëures Publics vën l luech de Pruca taià ora dala fuera, dal mpanziamët dl’aria y dal pericul sun streda gaujà dal muvimënt di auti che furnea te Gherdëina. Ncuei danmesdi, ai 22 de utober ie l tunel nuef unì mplenì da na gran cumpëida de jënt che à festejà la giaurida tan aspiteda, dan lascé passé i prim auti. Da mesdì an bele pudù furné tres l tunel nuef de 420 metri che à custà ntëur a sies milion de Euro.

OSP – N juebia ai 23 de utober uniral batù tres l terzo tunel dla streda nueva dla Val Badia. I lëures per la streda ite per la bassa Val Badia va inant drët bën. La streda, che vën nuzeda dassënn per l trasport de persones y per l trasport pesoch vën fata da nuef, slargeda y segureda da sasc che manacia de tumé jù.

OSP – Ala fin de jené 2004 uniral inò ora l liber dai cursc "Zeit für Weiterbildung". Urganisazions, lies y firmes che mët a ji manifestazions de furmazion nchin de agost 2004 tla rujeneda ladina y tudëscia, possa se mëter n cuntat cun l ufize per la furmazion nchin ai 10 de nuvëmber.