Comunicat stampa

OSP – La prima cumiscion per la scunanza dla cuntreda à dat prò l plann nuef per l chemun de S. Crestina. Deberieda cun l plann per S. Crestina iel nce unì dat pro chël per l Vigljoch tl chemun de Lana y chël per Moritzing pra Terlan. Te Gherdëina vëniel metù sota scunanza l raion ntëur la mont de Pic.

L Assessorat provinziel per la cultura ladina lascia savëi che l ie unì scrit ora la prima edizion dl cuncors d’ert figurativa per artisc’ jëuni ladins dal tiul “Premia flus d’aisciöda”. L ultim di per de jù i lëures ie l 19 de dezëmber 2003.

Aldò de na nrescida danter la cëses y cuatiers 2001-2002 dl Astat per cont dl istitut naziunel Istat ie l muvimënt di auti y la dificultà de giapé lerch per i auti la dificultà de uni di plu slargeda ora. Nsci la nrescida fata danter la families tl Südtirol. L computer y n telefon mobil ie a desposizion de for plu familiies. La reatà de ancunté sun streda for na majera cumpëida de petleri ie l sëni plu tler dl ji ndolauter dla sozietà dl Südtirol.

L agost 2003 ie stat te dut l Südtirol dassënn ciaut y te truep luesc scialdi sut. Feter dut l mëns ie stat sota l nfluss dl’aria subtropica y de na cunzentrazion de prescion auta sëura l’Europa zentrela y tl sud. Nia me l’Elpes, ma bën gran pertes dl’Europa ie unides tuchedes da chësta cundizions metereologiches.

Tl’ena dal 22 de setëmber al 26 de setëmber tën i culaburadëures di ufizes per l artejanant udiënzes dla sëntes destachedes:

La sajon da inviern 2002/03 à permez ala ann dant, mustrà su n aumënt de +6,3% pra la jënt che ie ruveda y nce n aumënt de +4,0% pra la cumpëida de nuetes che i ie stai tlo. La cumpëida de jënt da ora dl’Europa, dantaldut dal est, fej ora l 6,2% de duc chëi che ie d’inviern stai tlo a durmì. Permez ala sajon dal ann dant iel tlo da udëi n aumënt de 19,1%. Nsci ie nce aumenteda dassënn la dumanda turistica dal est te chësc tëmp.

Da n struf possen sun la homepage dl istitut provinziel de statistica (ASTAT) se nuzé de doi servijes online. Tres computer iel mesun fe ora l cont dl aumënt di fic de dërt sun de plu somes y sun de plu tëmps. Coche n possa se nuzé dl servisc dla statistica dl priesc y coche n possa cialé do la mesura dl’inflazion, ie dut da udei stota l’adres internet http://www.provinz.bz.it/astat/indices/indices_d.asp

OSP – La ncëira per fé l puent „Cor“ y per miuré la streda tres la Val Badia ie unida sëurandata n merdi tres n cuncors tl ufize per frabiches a Bulsan. A vëncer chësc cunsors iel stata la firma dla Val Badia „Impianti Colfosco“.

OSP – Ncuei (merdi ai 16) iel unì batù tres l sgondo tunel dla streda neuva dla bassa Val Badia. Cun l ruvé tres dl „tunel nr. 5“ an arjont n bel var di lëures. lëures per la streda nueva che vëija dant cin tuniei nueves, y che va inant drët bën.

OSP – Nchin ai 31 de utober an nce chëst ann la puscibltà de fé la pruposta de lauranc, dependënc y respunsabli per la stëila de merit al lëur. L’uneranza unirà fata sciche uni ann n l di dl lëur ai prim de mei 2004.