Comunicat stampa

OSP - Le punt prigorus y strënt tl raiun de Punt de Fer dan Pedraces ne esistarà nia plü di. Te chësta zona passarà la strada provinziala fora por n tunel tl crëp y spo sura n punt nü fora. En lönesc, ai 1 de setëmber à l´Assessur ai laûrs publics Florian Mussner presentè le proiet da 8,4 miliuns de euro a Pedraces.

OSP – La lista di priejes indicatives per i lëures de costruzion de stredes, purtà dant dal assessëur ai lëures publics Florian Mussner y data pro dala jonta provinziela ie sën da udëi sun la plates provinzieles tl internet.

OSP – L assessëur ai lëures publics Florian Mussner ti a sëurandat n lunesc ai prim de setëmber i lëures per l ncrëusc danter la streda de zicunvalazion y la stredes de azes a San Ciascian ala firma Schiavo. L ncrëusc nuef dëssa unì fat te set mënsc y custerà 568.697 Euro.

OSP – La scola ladina y si particulariteies sarà n vënderdi ai 5 de setëmber 2003 l argumënt zentrel dl cunvëni a S. Lenert de Badia. L assessëur ala scola y cultura ladina Florian Mussner rujenerà ala maestres, ai maestri y ala persones respunsables dla scola.

OSP - N lunesc ai prim de setëmber 2003 iel doi ancutedes mpurtantes per i lëures sun la stredes dla Val Badia. L assessëur ai lëures publics Florian Mussner sëurandajerà do marënda i lëures per l ncrëusc danter la streda de zircunvalazion y la streda de azes a San Ciascian. A Badia presenteral l proiet per seguré la streda tl raion de Punt de fer dessot a Pedraces.

OSP – la figura dl “fì pentì”, che ie stata argumënt de plu discuscions unirà spusteda dal verzon di Capuziner ala scola profesciunela per lëures soziei "Hannah Arendt". Chësc ie uni fat ora dal Assessëur Florian Mussner pra n sëuraluech cun rapresentanc di Capuziner y cun l diretëur dla scola profesciunela per lëures soziei de Bulsan. L assessëur à bele dat la nceria per chësc spustamënt. La figura che rapresentea n ël desnut, dëssa aldo di media avëi purtà gran sdëni pra i patri. L assessëur Mussner à dat esprescion de gran stima per i Capuziner y ne ulëssa nia che i se sënte ufendui per via dl’opera d’ert.

OSP – L punt de fer dessot a Pedraces dessa unì segruà. La cumiscion technica provinziela à dat pro l proiet te si ultima senteda. Per astilé ora l pont periculëus uniral fat n tunel y n puent nuef.

OSP – La nuviteies per la manutenzion de mplanc a sciaudamënt jirà ndrova cun l prim de setëmber 2003: da chësc di inant và ndrova n decret dl minister per l’ativiteies produtives, che vëija dant l tenì de n liber de manutenzion. Nsci vëniel fat al savëi dal’ufize provinziel per scunanza dal meldefuech.

OSP – L liber nuef dai cursc profesciunei cuntën duta la vela de istruzion che vën piteda dala scoles profesciuneles provinzieles danter setëmber 2003 y dezëmber 2003. L vën pità cursc y seminares che ie prizipalmënter per i ciamps dl servisc, cumerz, aministrazion, ndustria y artejanat, lëur sun l computer, soziel y gastronomia.

Tl’ena dal 25 de agost 2003 nchin ai 29 de agost 2003 tën i culaburadëures di ufizies provinziei per l artejanant udiënzes ti raions.